WC 2019 / PAKના કેપ્ટનના મામાએ કર્યુ ભારતને સમર્થન, કહ્યુ, 'ભારત જીતે'

પાકિસ્તાની ક્રિકેટ ટીમના કેપ્ટન સરફરાઝ અહમદના મામા મહબૂબ હસને કહ્યુ કે, ''રવિવારે જે મેચ રમઆશે તેમાં પાકિસ્તાન નહી પરંતુ ટીમ ઇન્ડિયાને જીતતા જોવા માંગે છે.''

સરફરાઝના મામા મહબૂબ હસને કહ્યુ કે, ''હું ઇચ્છુ છું કે ભારત પાકિસ્તાન વિરુદ્ઘ મેચ જીતે. આ સાથે જ ઇચ્છા રાખું છું કે, રવિવારે થનારી મેચમાં મારો ભાણીયો (સરફરાઝ) સારું પ્રદર્શન કરે, જેથી તે પાકિસ્તાની ટીમનો કેપ્ટન બની રહે.''

Mahmood Hassan, Pakistani Cricket Team captain Sarfaraz Ahmed's maternal uncle, in Etawah: I want India to win the match against Pakistan. I also wish my nephew to perform well in the match tomorrow so that he remains the captain of his (Pak) team. pic.twitter.com/bZWnxbHc08

— ANI UP (@ANINewsUP) June 15, 2019

જો તમે પણ વિચારી રહ્યા હશો કે સરફરાઝના મામાએ કેમ કહ્યુ કે, ભારત જીતે તો તેમણે ખુશી મળશે. તો જવાબ પાછળનો જવાબ છે કે, સરફરાઝનું મામાનું ઘર ઉત્તર પ્રદેશના ઇટાવામાં છે. જી હા, સરફરાઝના મામા ઇટાવામાં રહે છે અને સરફરાઝ  અહીંયા ઘણી વખત આવી ચૂક્યો છે. 

ટીમ ઇન્ડિયાને સપોર્ટ કરવાની વાત પર મામાએ કહ્યુ કે, ''ભાણીયા સાથે લગાવ છે, પરંતુ દેશ પહેલા આવે.'' આજ કારણે તેઓ ટીમ ઇન્ડિયાને જીતતા જોવા માંગે છે. 

આ સિવાય સરફરાઝના મામાએ ભારત-પાકિસ્તાનના સંબંધ અંગે કહ્યુ કે, ''પાકિસ્તાન સાથે ભારતના સંબંધો સારા થાય. આપણા દેશના પ્રધાનમંત્રી નરેન્દ્ર મોદી સારું કામ કરી રહ્યા છે. તેમના નેતૃત્વમાં દેશ આગળ વધી રહ્યો છે.''