- પાકિસ્તાનમાં મોંઘવારી વધતા દેશ થયો બર્બાદ
- હવે છેડતીની ઘટનાઓ વધી
- ઈસ્લામાબાદમાં મહિલા સાથે થઈ નીચ હરકત
- બુરખો પહેરીને જઈ રહેલી મહિલા સાથે છેડતી
- શખ્સે પાછળથી કરી નીચ હરકત
- ઘટનાનો વીડિયો થયો વાયરલ
કંગાળીને આરે આવી ગયેલા પાકિસ્તાનમાં હવે હવસખોરીની ઘટનાઓ સતત વધી રહી છે. લોકો હવે જાહેરમાં મહિલાઓની છેડતી કરવા અચકાતા નથી. એક વર્ષમાં ત્રીજી આવી ઘટના બની છે અને હવે વધુ એક વાર ઈસ્લામાબાદમાં આવી ઘટના બની છે. લેટેસ્ટ ઘટનામાં ઈસ્લામાબાદના રસ્તા પર બુરખો પહેરીને જઈ રહેલી એક મહિલા સાથે અંધારામાં પાછળથી આવીને એક શખ્સે નીચ હરકત કરી હતી અને તેની આ નીચ હરકત સીસીટીવી કેમેરામાં ઝડપાઈ ગઈ હતી. ઘટના બાદ પાકિસ્તાનમાં મહિલાઓની સલામતીને લઈને મોટો સવાલ છેડાયો છે.
ઈસ્લામાબાદમાં શખ્સે કરી નીચ હરકત
ઘટના ઈસ્લામાબાદના 1-10 સેક્ટરની છે. આ ઘટનાના વાયરલ વીડિયોમાં જોઈ શકાય છે કે બુરખો પહેરીને એક મહિલા રાત્રે રસ્તા પર એકલી જઈ રહી છે ત્યારે પાછળથી એક શખ્સ આવીને મહિલાને પકડી લે છે.
વરિષ્ઠ પત્રકાર હામિદ મીરે વીડિયો શેર કર્યો
વરિષ્ઠ પત્રકાર હામિદ મીરે આ વીડિયો શેર કરીને ટ્વીટ કર્યું છે કે આ તસવીર તમામ પુરુષો માટે એક ચેલેન્જ છે. આપણી માતાઓ, બહેનો અને દીકરીઓ માટે આપણે આ વ્યક્તિને શોધીને એક દાખલો બેસાડવો પડશે નહીં તો કાલે તમારા ઘરની સામે પણ આવી જ ઘટના બનશે.
વીડિયા વાયરલ થયા બાદ પોલીસની ઊંઘ ઉડી
આ ઘટનાનો વીડિયો વાયરલ થયા બાદ ઈસ્લામાબાદ પોલીસે તરત જ કાર્યવાહી કરી અને ટ્વીટ કરીને કહ્યું કે તેઓ આ કેસમાં કાર્યવાહી કરી રહ્યા છે. ઈસ્લામાબાદ પોલીસે ટ્વિટ કરીને જણાવ્યું કે, પોલીસની એક ટીમ આ મામલે કામ કરી રહી છે. સંબંધિત એસએચઓ સંપર્કમાં છે, કાર્યવાહી કરવી પડશે.
પાકિસ્તાનમાં જાહેરમાં છેડતીની ઘટના નવી નહીં
પાકિસ્તાનમાં એક મેટ્રો સ્ટેશનની બહાર તુર્કીની એક મહિલાને પરેશાન કરીને તેની સાથે મારપીટ કરવામાં આવી રહી હોવાનો વીડિયો સામે આવ્યો હતો. ગયા વર્ષે એક ટિક ટોકરે આરોપ લગાવ્યો હતો કે પાકિસ્તાનના સ્વતંત્રતા દિવસના અવસર પર લાહોરમાં એક વીડિયો શૂટ કરતી વખતે અનેક લોકોએ તેમના પર હુમલો કર્યો હતો. મહિલાએ એફઆઈઆરમાં કહ્યું હતું કે તેઓએ તેના કપડાં ફાડી નાખ્યા હતા અને નિર્દયતાથી માર માર્યો હતો.
પાકિસ્તાનમાં 70 ટકાથી વધુ મહિલાઓ ઉત્પીડનનો શિકાર
રિપોર્ટ અનુસાર પાકિસ્તાનમાં વર્કપ્લેસ પર 70 ટકાથી વધુ મહિલાઓ ઉત્પીડનનો શિકાર બને છે. મહિલાઓના અધિકારો માટે કામ કરતી એનજીઓ વ્હાઇટ રિબન પાકિસ્તાનના જણાવ્યા અનુસાર, 2004થી 2016 દરમિયાન 4,734 મહિલાઓએ જાતીય હિંસાનો સામનો કરવો પડ્યો હતો.
