વિદેશનો મોહ / વડોદરામાં વિઝા અપાવવાના બહાને રૂ.3 કરોડની ઠગાઈ, પોલીસે બાતમીના આધારે આરોપી પિતા-પુત્રને બોપલથી દબોચ્યા

• વિઝા આપવાના બહાને 3 કરોડની ઠગાઈ 
• બાતમીના આધારે આરોપીની ધરપકડ 
• અમદાવાદથી ઝડપી વડોદરા લવાયા 

વડોદરામાં વિઝા આપવાના બહાને 3 કરોડની ઠગાઈની ઘટના સામે આવતા હડકંપ મચી ગયો છે. આ તરફ હવે આ કેસમાં પોલીસ દ્વારા નિઝામપુરામાંથી આરોપી પિતા-પુત્રની ધરપકડ કરાઇ છે. વાત જાણે એમ છે કે, આ ઇસમોએ લોકોને વિદેશ વિઝા અપાવવાનાના નામે 3 કરોડથી વધુની ઠગાઈ કરી હતી. જેને લઈ હવે પોલીસ ઠગ પિતા પુત્રને અમદાવાદના બોપલમાંથી ઝડપી પાડ્યા છે.

ગુજરાતમાં અનેકવાર વિદેશમોહમાં લોકો છેતરાયા બાદ પણ છાશવારે આવી અનેક ઘટનાઓ સામે આવતી હોય છે. આ તરફ વડોદરાના નિઝામપુરમાં સાઈ કન્સલ્ટન્ટી નામની ઓફિસ ખોલી એક પિતા-પુત્ર વિદેશ વિઝા અપાવવાનાના નામે ઠગાઇ કરતાં હતા. આ ઇસમોએ લોકો પાસેથી  વિઝા અપાવવાનાના નામે 3 કરોડથી વધુની ઠગાઈ કરી હતી. જે બાદમાં પોલીસ દ્વારા હવે મોટી કાર્યવાહી કરવામાં આવી છે. 

અમદાવાદથી ઝડપાયા ઠગ પિતા પુત્ર 
વિગતો મુજબ આ ઇસમો નિઝામપુરમાં સાઈ કન્સલ્ટન્ટી નામની ઓફિસ ખોલી ઠગાઇ કરતા હતા. આ ઠગ પિતા-પુત્રએ સંખ્યાબંધ વિદેશ વાંચ્છુકોને રાતા પાણીએ રડાવ્યા હતા. જોકે આ ઠગ રાજેન્દ્ર શાહ અને રીંકેશ શાહ અમદાવાદના બોપલમાં છુપાયા હતા. જોકે 19 જુલાઈએ ફરિયાદ નોંધાઈ ત્યારથી પિતા પુત્ર ફરાર હતા. આ તરફ હવે પોલીસ દ્વારા ઠગ પિતા પુત્રને અમદાવાદના બોપલમાંથી ઝડપી વડોદરા લાવવામાં આવ્યા હતા.