ફાયદાની વાત / Post Officeની આ સ્કીમમાં રોકાણ કરવા પર મળશે આટલાં લાખ રૂપિયા, બસ રોજના કરવું પડશે માત્ર આટલાં રૂપિયાનું રોકાણ

• બાળકોના ભવિષ્યના રોકાણ માટે આ યોજના છે બેસ્ટ 
•  5 થી 20 વર્ષના બાળકો માટે છે આ યોજના 
• બાળ જીવન વીમા યોજનાની વિશેષતાઓ

દરેક લોકો ભવિષ્ય માટે કોને કોઈએ રીતે રોકાણ કરવા ઇચ્છતા હોય છે અને જો તમે તમારા બાળકો માટે શિક્ષણથી લઈને લગ્ન સુધીની લાખો રૂપિયાની જરૂરિયાત પૂરી કરવા માંગતા હોય તો આ સમાચાર તમારા કામના છે. બાળકના ભવિષ્યને સુરક્ષિત કરવા માટે તમારે જન્મથી જ બાળકો માટે રોકાણની યોજના શરૂ કરવી જોઈએ. તમને જણાવી દઈએ કે ઘણી સરકારી યોજનાઓ બાળકોના ભણતરથી લઈને લગ્ન સુધીનો ખર્ચ ઉઠાવે છે અને જો તમે પણ બાળકોના ભવિષ્યના રોકાણ માટે વધુ સારો વિકલ્પ શોધી રહ્યા છો, તો પોસ્ટ ઓફિસ ચાઈલ્ડ લાઈફ ઈન્સ્યોરન્સ એટલે કે બાળ વીમા યોજનામાં રોકાણ કરવું જોઈએ . તમારી જાણકારી માટે કહી દઈએ કે આમાં તમે દરરોજ માત્ર 6 રૂપિયાનું રોકાણ કરીને તમારા બાળકને કરોડપતિ બનાવી શકો છો.

સરકારે ખાસ કરીને બાળકો માટે બાળ  જીવન વીમા યોજના બનાવી છે જેમાં માતા-પિતા બાળકોના નામે બાળ વીમા યોજના ખરીદી શકે છે. જો કે તેનું નૉમિની માતા-પિતા ફક્ત બાળકોને જ બનાવી શકે છે. જણાવી દઈએ કે આ યોજના એક પરિવારના માત્ર બે બાળકોને આવરી લે છે અને 45 વર્ષથી વધુ ઉંમરના માતાપિતા તેમના બાળકો માટે આ પ્લાન ખરીદી શકતા નથી.

 5 થી 20 વર્ષના બાળકો માટે છે આ યોજના 
તમારી જાણકારી માટે જણાવી દઈએ કે આ બાળકો યોજના 5 થી 20 વર્ષની વયના બાળકોને આવરી લે છે. આ યોજનામાં પ્રીમિયમ માસિક, ત્રિમાસિક, અર્ધવાર્ષિક, વાર્ષિક ધોરણે જમા કરવામાં આવે છે. ચાઈલ્ડ લાઈફ ઈન્સ્યોરન્સ સ્કીમ હેઠળ દરરોજ 6 રૂપિયાથી લઈને 18 રૂપિયા સુધીનું પ્રીમિયમ જમા કરાવી શકાય છે અને આ પ્લાનમાં પાકતી મેચ્યોરિટી પર 1 લાખ રૂપિયાનો સમ-એસ્યોર્ડ લાભ આપવામાં આવે છે.

બાળ જીવન વીમા યોજનાની વિશેષતાઓ
- આ યોજનાનો લાભ માત્ર બે બાળકોને જ મળી શકે છે.-
- રોકાણ કરવા માટે બાળકોની ઉંમર 5 થી 20 વર્ષની વચ્ચે હોવી જોઈએ
- એક લાખની લઘુત્તમ વીમાની રકમ ઉપલબ્ધ છે 
- પોલિસી ખરીદતી વખતે પોલિસી ધારકની ઉંમર 45 વર્ષથી વધુ ન હોવી જોઈએ 
- જો પોલિસી ધારક પોલિસીની પાકતી મુદત પહેલા મૃત્યુ પામે તો બાળકને પોલિસી માટે પ્રીમિયમ ચૂકવવું પડશે નહીં
- પોલિસીની મુદત પૂરી થયા પછી બાળકને રકમ આપવામાં આવશે
- પોલિસીનું પ્રીમિયમ માતા-પિતાએ ચૂકવવાનું રહેશે
- આ યોજના 5 વર્ષ પછી સરન્ડર કરી શકાય છે.
- 1000 રૂપિયાની વીમા રકમ પર દર વર્ષે 48 રૂપિયાનું બોનસ પણ આપવામાં આવશે.

આ રીતે કરો અરજી 
બાળ જીવન વીમા યોજના માટે અરજી કરવા માટે, માતા-પિતા અથવા વાલીઓએ તેમની નજીકની પોસ્ટ ઓફિસમાં જઈને અરજી ફોર્મ ભરવાનું રહેશે જેમાં બાળક વિશેની વિગતો જેમ કે નામ, ઉંમર અને સરનામું જરૂરી છે. આ સાથે પોલિસીધારકની વિગતો પણ આપવાની રહેશે.