ફ્રોડ / તમારા ફોનમાં અજાણ્યા નંબર પરથી આવેલી લિંક અસલી છે કે ફેક? આવી રીતે ચેક કરો

સ્માર્ટફોનની વધતી પહોંચ બાદ હવે ફ્રોડ માટે લોકોને ઠગવું ખૂબ જ સહેલુ થઈ ગયું છે. સ્માર્ટફોન ચલાવતા લોકોને હજુ સુધી તેની સંપૂર્ણ જાણકારી નથી. એવામાં હેકર્સ તેનો ફાયદો ઉઠાવે છે અને ભોળા લોકોની સાથે ફ્રોડ કરે છે. 

હેકર્સ લોકોને જાળમાં ફસાવવા માટે ઘણા નવા પ્રકારની રીતનો ઉપયોગ કરે છે. ઉદાહરણ તરીકે ફોન પર નકલી મેસેજ, ફોન કોલ અને ઈમેલ દ્વારા ફ્રોડ શિકાર બનાવે છે. થોડા વર્ષોમાં તેમાં વધારો થયો છે. જાણકારીના અભાવમાં લોકો મોટાભાગે પોતાની કિંમતી રકમને ગુમાવી દે છે. 

નકલી લિંકની કરી શકો છો તપાસ 
ફ્રોડ મોટાભાગે નકલી લિંક કે મેસેજ દ્વારા જ લોકોને પોતાના ફ્રોડનો શિકાર બનાવે છે. એવામાં કોઈ પણ લિંક કે મેસેજની તપાસ કરવી સરળ નથી. મોટાભાગના લોકોને તેની યોગ્ય જાણકારી નથી હોતી. ઘણા લોકો સમજે છે કે કોઈ પણ મેસેજ કે લિંકને ફક્ત નિષ્ણાંત જ પરખી શકે છે. પરંતુ એવું નથી. એવી લિંક કે મેસેજની તમે પોતે જ તપાસ કરી શકો છો. Virustotal નામની એક વેબસાઈટ છે જ્યાંથી નકલી લિંક, મેસેજ અને ઈમેલની તપાસ કરવામાં આવી શકે છે. તેને માટે તમારે આ સ્ટેપને ફોલો કરવા પડશે. 

આ સ્ટેપ્સને કરો ફોલો 

• સૌથી પહેલા તમારે Virustotal વેબસાઈટ પર જવાનું રહેશે 
• ત્યાર બાદ યુઆરએલ, ફાઈલ અને સર્ચ ઓપ્શનમાંથી યુઆરએલને સિલેક્ટ કરવાની રહેશે. 
• પછી જે મેસેજ તમારી પાસે આવ્યો છે તેને અહીં પર નાખો. લિંક કોપી કરતી વખતે ડાબી બાજુ ક્લિક કરો. પછી કોપી લિંક સિલેક્ટ કરો. ક્યારેય પણ લિંક કે મેસેજ ન ખોલો. તેનાથી તમને નુકસાન થઈ શકે છે. 
• ત્યાર બાદ વેબસાઈટના યુઆરએલ વિકલ્પ પર જઈને કોપી કરેલી લિંકને પેસ્ટ કરી દો. 
• આમ કર્યા બાદ એન્ટર દબાવી દો. પછી તે લિંકનું વિશ્લેષણ શરૂ થઈ જશે. 

વધુ વાંચો: ગૂગલ મેસેજમાં આવશે નવું અપડેટ, સ્કેમ લિંક પર ક્લિક કરશો તો મળશે એલર્ટ

• વેબસાઈટ થોડા જ સમયમાં તે લિંક કે મેસેજનું પરિણામ જણાવી દેશે. તમને ખબર પડી જશે કે લિંક અસલી છે કે નકલી. 
• આ પ્રક્રિયાને પુરી કરી તમે કોઈ પણ લિંક કે મેસેજની તપાસ શરૂ કરી શકો છો. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો