આરોગ્ય ટિપ્સ / નોર્મલ ડિલિવરીથી માત્ર માતાને જ નહીં, બાળકને પણ થાય છે અનેક લાભ, નેચરલ બર્થ માટેની આ ટિપ્સ થશે ફાયદાકારક

• નોર્મલ ડિલિવરીના છે ઘણા ફાયદા 
• માતા અને બાળક માટે છે સૌથી સારો વિકલ્પ
• નોર્મલ ડિલિવરી માટે આ ટિપ્સ છે સૌથી વધારે ફાયદાકારક 

બાળકોના જન્મ માટે આજકાલ નોર્મલ ડિલિવરીની સાથે સાથે સી સેક્શન એટલે કે સિઝેરિયન ડિલિવરી પણ ખૂબ પ્રચલીત છે. જો થનાર માતા કે બાળકની સાથે કોઈ સ્વાસ્થ્ય સંબંધી કોમ્પ્લિકેશન થાય તો સિજેરિયન યોગ્ય વિકલ્પ છે. પરંતુ આજકાલ લોકોને આ વિકલ્પ સરળ લાગે છે. પરંતુ હેલ્થ એક્સપર્ટ કહે છે કે માતા અને બાળક માટે નોર્મલ ડિલિવરી બેસ્ટ ઓપ્શન છે. 

નોર્મલ ડિલિવરીના ફાયદા 
નોર્મલ ડિલિવરીમાં માતાને કોઈ પણ પ્રકારની સર્જરીમાંથી પસાર નથી થવું પડતું. તેમાં પેટ કે વજાયનામાં કોઈ પ્રકારનું સર્જિકલ કટ નથી લાગતુ અને આ સુરક્ષિત રીત છે. બીજી વાત એ છે કે સી સેક્શનની તુલનામાં નોર્મલ ડિલિવરીમાં બાળકને ઈન્ફેક્શનનો ખતરો ઓછો હોય છે. 

સાથે જ સી સેક્શન બાદ પેટના ટાંકાના કારણે ઘણા મહિનાઓ સુધી મહિલાને દુખાવો રહે છે. જેના કારણે મહિલાઓને સામાન્ય કામકાજમાં પણ મુશ્કેલી થાય છે. નોર્મલ ડિલિવરીનો ફાયદો એ છે કે ડિલિવરી બાદ માતા બાળકને થોડા સમય બાદ પોતાનું દૂધ પીવડાવી શકે છે. જ્યારે સી સેક્શનમાં તેના માટે માતાને ખૂબ રાહ જોવી પડે છે. 

નોર્મલ ડિલિવરી માટે મદદ કરશે આ રીત 
જો તમે પણ સી સેક્શનની જગ્યા પર નોર્મલ ડિલિવરીથી બાળકને જન્મ આપવા માંગો છો તો તમને અમુક ટિપ્સ અપનાવવાની રહેશે. પ્રેગ્નેન્સી વખતે મહિલાએ સ્ટ્રેસથી દૂર રહેવું જોઈએ. પોતાનું રૂટીન સારૂ અને સ્વસ્થ્ય રાખવું જોઈએ. તેના ઉપરાંત શરીરને હાઈડ્રેટ રાખવાની પણ જરૂર હોય છે. 

ડિલિવરી માટે ડૉક્ટર પસંદ કરવી વખતે પણ ધ્યાન રાખો કે તે ડૉક્ટરની નોર્મલ ડિલિવરી કરવવાનો એક્સપિરિયન્સ વધારે હોય. માતાનું વજન વધારે હોવા પર પણ સી સેક્શનની સંભાવના વધી જાય છે. એવામાં પ્રયત્ન કરો કે પ્રેગ્નેન્સી વખતે તમારૂ વજન ખૂબ વધારે ન વધી જાય. તે ઉપરાંત પોઝિટિવ લાઈફસ્ટાઈલ અપનાવો.