- બિહારમાં RJD-JDUના છૂટાછેડાની પ્રબળ સંભાવના
- અણબનાવની ખબરો વચ્ચે ભાજપે ઝડપી તક
- નીતિશને એનડીએમમાં પાછા લેવા મૂકી મોટી શરત
- સીએમ પદ છોડે તો જ એનડીએમાં પાછા
બિહારમાં RJD-JDU અણબનાવની ખબરો વચ્ચે ફરી એક વાર ભાજપ સક્રિય બન્યો છે. નીતિશ કુમાર ગમે ત્યારે લાલુ સાથે છેડો ફાડી શકે છે અને આવી સ્થિતિમાં ભાજપને મોટી તક સાંપડી છે. સૂત્રોનો દાવો છે કે ભાજપે નીતિશ કુમારને એનડીએમાં પાછા લેવા માટે એક મોટી શરત મૂકી છે. ભાજપે સ્પસ્ટ શબ્દોમાં કહ્યું છે કે જો નીતિશ કુમાર એનડીએમાં પાછા આવવા માગતા હોય તો તેમણે સીએમ પદ છોડવું પડશે એટલે ભાજપ આ વખતે નીતિશને જેમતેમ નથી લેવા માગતો આ માટે તેણે આકરી શરત મૂકી છે. ઉલ્લેખનીય છે કે અગાઉ પણ બે વાર આવું કરી ચૂક્યાં છે. પહેલા ભાજપ સાથે સરકાર, પછી ભાજપમાંથી નીકળીને આરજેડી સાથે ફરી પાછા આરજેડીમાંથી નીકળીને ભાજપ સાથે આવું નીતિશ ઘણી વાર કરી ચૂક્યા છે.
સીએમ પદ મળે તો જ ભાજપ નીતિશને ગઠબંધનમાં લેવા તૈયાર
સૂત્રોએ એવું પણ કહ્યું કે ભાજપ નીતિશ કુમારને એનડીએ ગઠબંધનમાં ફક્ત ત્યારે જ લેવા તૈયાર છે કે જ્યારે સીએમ પદ મળે. નીતિશ માટે આ શરત માનવી આકરી છે.
નીતિશ કુમાર વિધાનસભા ભંગ પણ કરી શકે
સૂત્રોનો દાવો છે કે ભાજપે આકરી શરત મૂકી હોવાથી નીતિશ કુમાર વિધાનસભા ભંગ કરવાની રાજ્યપાલને ભલામણ કરી શકે છે. નીતિશ કુમાર કાનૂની સલાહ લઈ રહ્યાં હોવાનું પણ કહેવાઈ રહ્યું છે.
લાલુની દીકરી રોહિણી આચાર્યે ઘી હોમ્યું
બિહારની રાજનીતિમાં ફરી એક વાર મોટો ટ્વિસ્ટ આવી શકે છે. નીતિશ અને લાલુ વચ્ચે અણબનાવ વધી રહ્યો છે અને નીતિશ ગમે ત્યારે ગઠબંધન તોડીને ભાજપ સાથે ગઠબંધન કરી તેવી સંભાવના છે. આરજેડી અને જેડીયુની લડાઈમાં લાલુની દીકરી રોહિણી આચાર્યે ઘી હોમ્યું છે.
રોહિણી આચાર્યે શું ટ્વિટ કર્યાં
સિંગાપુરમાં રહેતી લાલુની પુત્રી રોહિણી આચાર્યે 3 ટ્વિટ કરીને રાજનીતિમાં ખલબલી મચાવી દીધી છે. રોહિણીએ શાયરીભરી ભાષામાં 3 ટ્વિટ કર્યાં હતા જોકે ટ્વિટ વાયરલ થઈ જતાં તેમણે ડિલિટ કરી દીધાં હતા પરંતુ તેમણે જે કહેવાનું હતું કે કહી દીધું હતું. પહેલા ટ્વિટમાં તેમણે લખ્યું કે ઘણી વાર કેટલાક લોકો પોતાની ખામીઓ જોઈ નથી શકતા, પરંતુ બીજા પર કિચડ ઉછાળવાનું કામ કરે છે. બીજા ટ્વિટમાં કહ્યું કે ખીજ દેખાડો શું થશે જ્યારે કોઈ આપણું ન બન્યું. વિધિનું વિધાન કોણ ટાળી શકે. ત્રીજા ટ્વિટમાં કહ્યું કે સમાજસેવી હોવાનો દાવો એ જ કરે છે જેની વિચારધારા હવાની જેમ બદલાય છે. જોકે આ ટ્વિટ વાયરલ થતાં રોહિણી ડિલિટ કરી નાખ્યાં હતા.
નીતિશ કુમાર માનવા લાગ્યાં કેન્દ્રનો આભાર
લોકસભા ચૂંટણી પહેલા નીતિશ ફરી વાર એનડીએમાં જોડાય તેવા સમીકરણો સર્જાયા છે. કેન્દ્ર સરકારે બિહારના સમાજસેવી કર્પૂરી ઠાકુરને ભારત રત્ન આપવાનું એલાન કર્યું હતું ભારત રત્નના એલાનને જેડીયુએ-એનડીએ સાથે જોડવાનું સમીકરણ ચાલી રહ્યું છે. છેલ્લા ઘણા સમયથી નીતિશના ગઠબંધનના સાથી આરજેડી સાથે સંબંધો વણસી રહ્યાં છે અને તેમનો ભાજપ તરફી ઝૂકાવ વધી રહ્યો છે. આજની ઘટનાએ તેનો સ્પસ્ટ સંકેત આપ્યો છે.
