કમાલની કેન્દ્રીય યોજના / મોદી સરકાર અન્નદાતાઓને બનાવશે 'ડામરદાતા', વધી જશે આવક, ગડકરીનું મોટું એલાન, જાણો ડિટેલ્સ

• મોદી સરકાર ખેડૂતોને હવે બનાવશે ડામરદાતા
• પરાળીમાંથી ડામર બનાવવાની સરકારની યોજના
• કેન્દ્રીય મંત્રી નીતિન ગડકરીની જાહેરાત 

દેશભરમાં ઝડપથી રસ્તાઓનું નેટવર્ક પાથરી રહેલા કેન્દ્રીય મંત્રી નીતિન ગડકરીએ હવે વધુ એક એલાન કર્યું છે. 
સોમવારે ઉત્તર પ્રદેશના પ્રતાપગઢમાં એક કાર્યક્રમમાં બોલતા ગડકરીએ કહ્યું કે દેશના અન્નદાતાઓ હવે 'ડામરદાતા' પણ બની શકે છે. ડામરનો ઉપયોગ રસ્તા બનાવવા માટે થાય છે.

Live from Foundation stone laying ceremony of 5 NH projects worth Rs 2,200 Cr in Pratapgarh Region, UP. #PragatiKaHighway #GatiShakti https://t.co/jJVGWz1Dmp

— Nitin Gadkari (@nitin_gadkari) June 12, 2023

પાકના વધેલા ઠૂંઠામાંથી ડામર 
પ્રતાપગઢમાં 2200 કરોડ રૂપિયાના પાંચ નેશનલ હાઇવે પ્રોજેક્ટનું ભૂમિપૂજન કરનાર કેન્દ્રીય મંત્રી નીતિન ગડકરીએ કહ્યું કે સરકાર પાકના વધેલા અવશેષો (ઠૂંઠા કે પરાળી)માંથી ડામર બનાવવાની યોજના ધરાવે છે, આ માટે મંત્રાલય એક યોજના પર કામ કરી રહ્યું છે જેમાંથી ખેડૂતો પાસેથી પરાળી લઈને તેમાંથી ડામર બનાવવામાં આવશે. ઉપસ્થિત લોકોને સંબોધતા ગડકરીએ કહ્યું કે અગાઉ ખેડૂતોને માત્ર અન્નદાતા જ કહેવામાં આવતા હતા. હવે તેઓ પણ 'ઊર્જાદાતા' બની ગયા છે અને હવે અમે તેમને ડામરદાતા બનાવવાના છીએ. ડામર બનાવવા માટે પાકના ઠૂંઠાનો ઉપયોગ કરવામાં આવશે અને મારો વિભાગ આ અંગે એક યોજના લાવી રહ્યો છે.

કેવી રીતે બનાવાઈ રહ્યાં છે રસ્તાઓ-ગડકરીએ કહ્યું 
નીતિન ગડકરીએ કહ્યું કે અમે આ દેશને કચરા મુક્ત બનાવવા માંગીએ છીએ. દિલ્હીનો રિંગ રોડ બનાવવા માટે શહેરમાંથી લગભગ 25 લાખ ટન ઘન કચરાનો ઉપયોગ કરવામાં આવ્યો છે. આવી જ રીતે અમદાવાદ-ધોલેરા રોડ માટે અમદાવાદના 25 લાખ ટન ઘન કચરાનો ઉપયોગ કરવામાં આવ્યો છે. પર્યાવરણને બચાવવા માટે રસ્તાઓ માટે રબર ટાયરના રબર પાવડરનો ઉપયોગ કરવામાં આવી રહ્યો છે અને સાત ટકા પ્લાસ્ટિકનો પણ ઉપયોગ કરવામાં આવી રહ્યો છે.