ક્રિકેટ / ન્યૂઝીલેન્ડનો સ્ટાર પ્લેયર રચિન રવીન્દ્ર બેંગલુરુમાં દાદાના ઘરે પહોંચ્યો, દાદીએ ઉતારી નજર, વીડિયો વાયરલ

• ન્યૂઝીલેન્ડનાં ખેલાડી રચિન રવિંદ્રની બોલબાલા
• હાલમાં પોતાના દાદા-દાદીને મળવા પહોંચ્યા બેંગલુરૂ
• દાદી પૂર્ણિમાએ પૌત્રની નજર ઊતારી

ન્યૂઝીલેન્ડનાં યુવા ક્રિકેટર રચિન રવિંદ્ર આજકાલ વર્લ્ડકપમાં ધમાકેદાર પર્ફોર્મન્સ આપી રહ્યાં છે. ન્યૂઝીલેન્ડની ટીમ વર્લ્ડ કપમાં પણ સારું પર્ફોર્મ કરી રહી છે જેમાં રચિનનો મોટો હાથ છે. રચિન મૂળરૂપે ભારતીય છે. તેના પિતા રવિ કૃષ્ણમૂર્તિ સોફ્ટવેર આર્કિટેક્સ હતાં અને બેંગલુરૂમાં ક્લબ ક્રિકેટ પણ રમતાં હતાં. રચિનનાં દાદા-દાદી આજે પણ બેંગલુરૂમાં રહે છે.

जय श्री राम 🕉
Blessed to have such an amazing family. Grandparents are angels whose memories and blessings stay with us forever. pic.twitter.com/haX8Y54Sfm

— Rachin Ravindra (@RachinRavindra_) November 10, 2023

દાદીએ ઊતારી પૌત્રની નજર
ન્યૂઝીલેન્ડનાં યુવા ક્રિકેટર રચિન રવિંદ્ર હાલમાં જ બેંગલુરૂ સ્થિત પોતાના દાદા-દાદીને મળવા માટે તેમના ઘરે પહોંચ્યાં છે. રચિન રવિંદ્રનાં દાદા અને દાદી બેંગલુરૂમાં જ ટીચર હતાં. વર્લ્ડ કપ 2023ની વચ્ચે રચિન સમય કાઢીને પોતાના દાદા બાલકૃષ્ણ અડિગા અને દાદી પૂર્ણિમાને મળવા ગયાં હતાં. જેનો એક વીડિયો રચિને પોતાના સોશિયલ મીડિયા પર પોસ્ટ કર્યો હતો. વીડિયોમાં જોવા મળ્યું કે રચિનની દાદી પોતાના પૌત્રની નજર ઊતારી રહી છે. 

વર્લ્ડ કપ 2023માં સૌથી વધુ રન
રચિન રવિંદ્ર હાલમાં વર્લ્ડ કપ 2023માં સૌથી વધુ રન બનાવનારા બેટ્સમેનની લિસ્ટમાં ટૉપનાં સ્થાન પર સ્થિત છે. રચિન રિવિંદ્રે વર્લ્ડ કપ 2023માં 3 સદી અને 2 અર્ધશતક ફટકાર્યા હતાં. રચિનનાં પિતા રવિ કૃષ્ણમૂર્તિ ન્યૂઝીલેન્ડ શિફ્ટ થયાં હતાં જેથી રચિનનો જન્મ પણ વેલિંગટનમાં થયો અને તેણે ક્રિકેટ રમવાનું શરૂ કર્યું. ત્યારબાદ તેઓ ન્યૂઝીલેન્ડની ટીમમાં સામેલ થયાં.