નવરાત્રી 2023 / નવરાત્રીમાં શા માટે રખાય છે નવ દિવસના ઉપવાસ, જાણો તેનાથી થતા લાભ અને વિશેષ કારણ

• સમગ્ર દેશમાં શારદીય નવરાત્રીની ઊજવણી
• કેટલાક ભક્તો નવરાત્રીના વ્રત કરે છે
• નવરાત્રીના 9 દિવસ સુધી વ્રત રાખવાથી શું લાભ થાય છે?

સમગ્ર દેશમાં શારદીય નવરાત્રીની ઊજવણી થઈ રહી છે. માઁ દુર્ગાના પંડાલ સજાવવામાં આવ્યા છે. ભક્તો નવરાત્રીના 9 દિવસ સુધી વ્રત કરે છે. કેટલાક ભક્તો નવરાત્રીના પહેલા અને છેલ્લા દિવસે વ્રત કરે છે. શાસ્ત્રો અનુસાર નવરાત્રીના 9 દિવસ સુધી વ્રત કરવા માટેની અનેક માન્યતાઓ અને લાભ છે. નવરાત્રીના 9 દિવસ સુધી વ્રત રાખવાથી શું લાભ થાય છે, તે અંગે અહીંયા જણાવવામાં આવ્યું છે. 

નવરાત્રીમાં 9 દિવસ વ્રત કરવાના લાભ

• નવરાત્રીના 9 દિવસ સુધી વ્રત કરવાથી માઁ દુર્ગા પ્રસન્ન થાય છે અને સુખ-સમૃદ્ધિના આશીર્વાદ પ્રદાન કરે છે. 
• નવરાત્રીના 9 દિવસ વ્રત દરમિયાન ફળાહાર કરવામાં આવે છે, જે સંપૂર્ણપણે સાત્વિક માનવામાં આવે છે. જેથી તન, મન અને આત્મા શુદ્ધ થાય છે.
• નવરાત્રીના 9 દિવસ ભક્તિભાવ સાથે વ્રત કરવાથી માઁ દુર્ગા તમામ સંકટ દૂર કરે છે અને રક્ષા કરે છે. 
• નવરાત્રીના 9 દિવસ સુધી વ્રત કરવાથી માનસિક શાંતિ પ્રાપ્ત થાય છે અને જીવનમાં આધ્યાત્મિકતા ઉત્પન્ન થાય છે. જીવનમાં સકારાત્મકતા આવે છે અને તમામ દુ:ખ દૂર થાય છે. 
• માઁ દુર્ગાને સૃષ્ટિના ઉદ્ધાર માટે ધૂમ્રલોચન, અસુર, શુંભ-નિશુંભ, મહિષાસુરનો વધ કર્યો હતો, તે પ્રકારે નવરાત્રીમાં નવ દિવસ સુધી વ્રત કરવાથી માઁ દુર્ગા ભક્તોની શત્રુઓ સામે રક્ષા કરે છે. 

માતાના 9 સ્વરૂપ

• શૈલપુત્રી
• બ્રહ્મચારિણી
• ચંદ્રઘંટા
• કુષ્માંડા
• સ્કંદમાતા
• કાત્યાયની
• કાલરાત્રિ
• મહાગૌરી
• સિદ્ધિદાત્રી