- ચોટીલા નારીયેળી ગામે 20 એપ્રિલે ધોળા દિવસે કરાઇ હતી આધેડની હત્યા
- નારીયેળી ગામે થયેલ હત્યા નો ભેદ લોકલ ક્રાઇમ બ્રાન્ચે ઉકેલયો
- 6 હત્યારાઓ ગણતરીના કલાકોમાં પોલીસેઝડપી લઈ કાર્યવાહી હાથ ધરી
ચોટીલા તાલુકાના નાળિયેરી ગામે 20 એપ્રિલના રોજ ધોળા દિવસે વ્યક્તિની હત્યા કરવામાં આવ્યા બાદ પોલીસ એક્શન મોડમાં આવી હતી. વાત જાણે એમ છે કે, સુરેન્દ્રનગર પોલીસ દ્વારા હત્યાનાં 6 આરોપીઓને ગણતરીનાં દિવસોમા ઝડપી પાડ્યા છે. નોંધનીય છે કે, નારીયેળી ગામે દિકરી ભગાડી જવા બાબતે એક જ પરિવારના બે જૂથો વચ્ચે જૂથ અથડામણ થઈ હતી. આ દરમિયાન મેર પરિવારના બે જૂથો સામસામે આવી ગયા બાદ 65 વર્ષીય વૃદ્ધ કાળાભાઈ મેર નામના આધેડની હત્યા કરી દેવાઈ હતી.
શું હતો સમગ્ર મામલો ?
સુરેન્દ્રનગર જિલ્લાના ચોટીલા તાલુકાના નારીયેળી ગામે દિકરી ભગાડી જવા બાબતે એક જ પરિવારના બે જૂથો વચ્ચે જૂથ અથડામણ થઈ હતી. જોકે આ અથડામણ એટલી બધી હિંસક બની કે, 65 વર્ષીય વૃદ્ધ કાળાભાઈ મેર નામના આધેડની ગામમાં જ હત્યા કરી નાખવામાં આવી હતી. જોકે હત્યા કર્યા બાદ આરોપીઓ ભૂગર્ભમાં ઉતરી ગયા હતા. જેને લઈ પોલીસ અધિક્ષક હરેશ દૂધાત દ્વારા આ કેસની તપાસ લૉકલ ક્રાઇમ બ્રાન્ચને સોંપવામાં આવી હતી.
લોકલ ક્રાઇમ બ્રાન્ચે ઉકેલ્યો ભેદ
આ તરફ હત્યાનાં આરોપીઓને ઝડપી લેવા માટે લોકલ ક્રાઇમ બ્રાન્ચ ના પી.આઈ અને સ્ટાફ દ્વારા સતત હ્યુમનસોર્સ અને ટેક્નિકલ ટીમ દ્વારા તપાસ કામગીરી હાથ ધરવામાં આવી હતી. આ તરફ લોકસ ક્રાઇમ બ્રાન્ચ દ્વારા કડક તપાસ હાથ ધરવામાં આવતા ચિરોડા ઠાંગા વિડ વિસ્તારમાં સંતાયેલા 6 હત્યારાઓને લોકલ ક્રાઇમ બ્રાન્ચે ઝડપી લઈ આગળની તપાસ શરૂ કરી છે.
દીકરી ભગાડી ગયાનું મનદુઃખ અને આધેડની હત્યા
આ ઘટનામાં દીકરી ભગાડી ગયાનું મનદુઃખ અને અન્ય કેટલાક કારણોસર હત્યા કરાઈ હોવાની ઝડપાયેલા આરોપીએ કબૂલાત કરી છે. આ મામલે લોકલ ક્રાઇમ બ્રાન્ચે ઝડપાયેલા આરોપીઓની કડક પૂછપરછ કરી છે. જોકે આ હત્યા કેસમાં હજુ પણ વધુ આરોપીઓ હોવાનું બહાર આવી શકે તેમ છે. હાલ લોકલ ક્રાઇમ બ્રાન્ચે ઝડપાયેલા આરોપી હત્યારાઓ પાસેથી હત્યામાં ઉપયોગ કરેલ સામગ્રી પણ જપ્ત કરેલ છે.
ઝડપાયેલા આરોપીઓનાં નામ
- અજય ઉર્ફે બાદશાહ અનુભાઇ મેર જાતેત કોળી ઉવ.23, ધંધો,ખેતી
- સગીર બાળક રહે.નાળીયેરી તા.ચોટીલા
- હરેશ વજીભાઇ ઝાપડીયા જાતે,ત.કોળી ઉવ.25, ધંધો,ખેતી
- ગોપાલ મનીષભાઇ મેર જાતે ત કોળી ઉવ.20, ધંધો.ખેતી
- સંજય ઉર્ફે દલો નશીભાઇ મકવાણા જાતે ત કોળી ઉવ.23, ધંધો.ખેતી રહે. તમામનાળીયેરી તા ચોટીલા
- ઇમરાન ઉર્ફે ભાઇજાન રઝાકભાઇ ડેલીવાળા જાતે.મુ.માન મેમણ ઉવ.31, ધંધો ડ્રાયવીંગ રહે,ચોટીલા, કલ્પના ટોકીઝ પાસે, સનસાઇન સ્કુલની પાછળ ટાઉનશીપ-1 તા.ચોટીલા
