અનંત અંબાણી અને રાધિકા મર્ચન્ટની પ્રી-વેડિંગ સેરેમનીના બીજા દિવસના ઘણા ફોટા અને વીડિયો સોશિયલ મીડિયા પર વાયરલ થઈ રહ્યા છે. બોલિવૂડ-હોલીવુડ સ્ટાર્સની સાથે સાથે વિશ્વભરની જાણીતી હસ્તીઓ પણ હાલમાં જામનગરમાં હાજર છે. દરમિયાન હવે અન્ય એક વીડિયો સામે આવ્યો છે, જેમાં મુકેશ અંબાણી અને નીતા અંબાણીએ અનંત-રાધિકા માટે ખાસ ડાન્સ કર્યો હતો.
પુત્ર અનંત અંબાણીના લગ્ન પહેલા મુકેશ અંબાણી અને નીતા અંબાણી ખૂબ જ ખુશ દેખાતા હતા. બંનેએ સ્ટેજ પર શાનદાર ડાન્સ પરફોર્મન્સ પણ આપ્યું હતું. વીડિયોમાં જોઈ શકાય છે કે મુકેશ અંબાણી અને નીતા અંબાણી રાજ કપૂરના આઈકોનિક ગીત 'પ્યાર હુઆ ઈકરાર હુઆ'માં ડાન્સ કરી રહ્યાં છે. આ દરમિયાન મુકેશ અંબાણી કુર્તા-પાયજામામાં જોવા મળ્યા હતા. જ્યારે નીતા અંબાણી ગોલ્ડન કલરની સાડીમાં ખૂબ જ સુંદર લાગી રહી હતી.
મુકેશ અને નીતાની આ સ્ટાઈલ લોકોએ પહેલીવાર જોઈ હશે. સ્ટેજ પર હાજર બંનેના ડાન્સે દર્શકોને મંત્રમુગ્ધ કરી દીધા હતા. ડાન્સ સ્ટેપ્સ કરતી વખતે મુકેશ અંબાણી અને નીતા અંબાણીએ સામેની એલઈડી સ્ક્રીન તરફ ઈશારો કર્યો. જેમાં મુકેશ અંબાણી બાળકો સાથે રમતા જોવા મળ્યા હતા. અંબાણી પરિવારની પ્રેમભરી ક્ષણોને જોઈને દરેક લોકો કપલના ખૂબ વખાણ કરી રહ્યા છે.
વધુ વાંચો : ઝુકરબર્ગ, બિલ ગેટ્સ અને ટ્રમ્પના દેશી લુકે લૂંટી લાઈમલાઇટ, બોલિવૂડ સેલેબ્સે પણ ખેંચ્યું ધ્યાન: જુઓ ગરબા નાઈટની તસવીરો
લગ્ન પહેલા અનંત અંબાણી અને રાધિકા મર્ચન્ટની પ્રી-વેડિંગ સેરેમની 1 માર્ચથી 3 માર્ચ દરમિયાન થશે. આજે આ સમારોહનો છેલ્લો દિવસ છે. જણાવી દઈએ કે બંને કપલે ગયા વર્ષે જાન્યુઆરીમાં સગાઈ કરી હતી. જો રિપોર્ટ્સનું માનીએ તો બંને આ વર્ષે 12 જુલાઈએ મુંબઈમાં લગ્ન કરી શકે છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
