- બાથરૂમમાં મોબાઇલના ઉપયોગથી થાય છે મોટુ નુકસાન
- આજે જ સુધારી નાખજો આ કુટેવ
- મોબાઇલનો ઉપયોગ કરવાથી પાઈલ્સનો ખતરો વધુ
બાથરૂમ સાથે અનેક લોકોને જુદી જુદી કુટેવ જોડાયેલી હોય છે. જેમાં અમુક લોકો છાપા વાંચતા હોય છે. તો અમુક લોકો પોતાના પસંદગીના સોંગ્સ પણ સાંભળતા હોય છે. જેમાં મોટાભાગના લોકો હાલની સ્થિતિએ બાથરૂમમાં મોબાઈલ ફોનનો ઉપયોગ કરવા સાથે ટેવાયેલા હોય છે. લોકો એવું માનતા હોય છે કે તેમના ખાલી ટાઈમનો સદઉપયોગ થઈ શકે! પરંતુ આવું કરવું એ આરોગ્ય માટે નુકસાનકારક સાબિત થઈ શકે છે અને તેમના ગંભીર પરિણામ ભોગવવાનો પણ વારો આવી શકે છે.
પાઈલ્સનો ખતરો વધી જાય છે
હેલ્થ એક્સપર્ટ્સનું માનીએ તો બાથરૂમમાં બેસીને મોબાઇલનો ઉપયોગ કરવાથી પાઈલ્સનો ખતરો વધી જાય છે. આ રોગ ખૂબ જ દર્દનાક હોય છે. અમુક કિસ્સાઓમાં તો રક્તસ્ત્રાવ પણ થાય છે. જ્યારે ગુદામાર્ગ અથવા ગુદામાં નસોના ક્લસ્ટરો સોજી જાય છે. સામાન્ય રીતે તે ગુદામાર્ગની નસોનો 'વેરિસોઝ વેઇન્સ' રોગ છે. હેમોરહોઇડ્સ ગુદામાર્ગની અંદર અથવા ગુદાની બહાર થાય છે પરિણામે પાઈલ્સની સૌથી પીડાદાયક રોગમાં ગણના થાય છે.
ફોનમાં હાજર થાય છે બેક્ટેરિયા
શૌચાલયમાં ખરાબ બેક્ટેરિયાની પુષ્કળ હાજરી હોય છે. પરિણામે તમે જ્યારે બાથરૂમમાં બેસીને ફોન વાપરો છો ત્યારે આ ખરાબ બાથરૂમમાં રહેલા બેક્ટેરિયા તમારા ફોન પર ચોંટી શકે છે. જે અમુક સમય બાદ સરળતાથી શરીરમાં ફેલાઈને મોટા રોગને આમાંત્રણ આપી શકે છે. આથી મોટા રોગથી બચવા મોબાઈલનો બાથરૂમાં ઉપયોગ ટાળવો જોઇએ.
મોબાઈલનો ઉપયોગ ટાળવાથી ન માત્ર પાઈલ્સનું જોખમ ઘટે છે. પરંતુ બેક્ટેરિયાના વિકાસનું જોખમ પણ ઓછું થાય છે.
