સુરક્ષા પર સવાલ / દ્વારકાધીશ મંદિર માટે કરોડોની ગ્રાન્ટ કરાય છે મંજૂર, છતાં CCTV બંધ હાલતમાં, કોઇ ઘટના ઘટી તો જવાબદાર કોણ?

Malay

Last Updated: 02:10 PM, 31 May 2023

FOLLOW ON

શેર કરો

Devbhoomi Dwarka News: દ્વારકાધીશ મંદિરમાં લગાવેલા મોટાભાગના CCTV બંધ હાલતમાં, કરોડોની ગ્રાન્ટ મંજૂર થવા છતાં મોટાભાગના CCTV છેલ્લા ઘણા સમયથી બંધ, મંદિરની સુરક્ષાને લઈ ઉઠ્યા સવાલ.

દ્વારકાધીશ મંદિરની સુરક્ષાને લઈ સવાલ
મંદિરમાં લગાવેલા મોટાભાગના CCTV બંધ
દ્વારકાધીશ મંદિરની સુરક્ષા ભગવાન ભરોસે

પવિત્ર યાત્રાધામ દ્વારકાનગરીમાં આવેલા ભગવાન દ્વારકાધીશના મંદિરની સુરક્ષાને લઈ સવાલ ઉઠ્યા છે. દ્વારકાધીશ મંદિરમાં લગાવેલા મોટાભાગના CCTV બંધ હાલતમાં છે. મંદિરની સુરક્ષા માટે દર વર્ષે કરોડોની ગ્રાન્ટ મંજૂર કરવામાં આવે છે. કરોડોની ગ્રાન્ટ મંજૂર થવા છતાં મોટાભાગના CCTV છેલ્લા ઘણા સમયથી બંધ હાલતમાં જોવા મળી રહ્યા છે.

જય દ્વારકાધીશ: જગતમંદિર દ્વારકાના દ્વાર આ તારીખ સુધી ભક્તો માટે કરાયા બંધ | coronavirus in Gujarat dwarka mandir lockdown

મોટા ભાગના CCTV કેમેરા બંધ હાલતમાં
દેવભૂમિ દ્વારકા જિલ્લો આમ તો ત્રણેય તરફથી સમુદ્ર સાથે ઘેરાયેલો છે. આથી સુરક્ષાની દ્રષ્ટિએ અતિ મહત્વપૂર્ણ ગણાય છે. દ્વારકામાં જગ વિખ્યાત દ્વારકાધીશ મંદિર આવેલું હોવાથી અહીં દરરોજ હજારોની સંખ્યામાં ભક્તો દર્શન કરવા માટે આવે છે. સુરક્ષાની દ્રષ્ટિએ ઝેડ કેટેગરી ધરાવતા દ્વારકાધીશ મંદિરમાં લાગેલા મોટાભાગના CCTV કેમેરા બંધ હાલતમાં હોવાનું સામે આવતા મંદિરની સુરક્ષાને લઈ સવાલ ઉઠ્યા છે.

તાજેતરમાં જ એક વીડિયો થયો હતો વાયરલ
આપને જણાવા દઈએ કે આ પહેલીવાર નથી જ્યારે દ્વારકા મંદિરની સુરક્ષાને લઈને સવાલો ઉઠ્યા હોય, આ પહેલા પણ આ મહિનામાં જ દ્વારકા મંદિરનો એક વીડિયો વાયરલ થયો હતો. જેમાં કેટલાક લોકો જગતમંદિરમાં ભગવાન પર રૂપિયા ઉડાડતા જોવા મળ્યા હતા. સુરક્ષાના ભાગ રૂપે દ્વારકાધીશ મંદિરમાં મોબાઈલ તેમજ કોઈપણ જાતના ઇલેક્ટ્રિક ઉપકરણો લઈ જવા પ્રતિબંધ છે. તેમ છતાં પણ મંદિરની અંદરથી વીડિયો ઉતર્યો અને સોશિયલ મીડિયામાં વાયરલ પણ થઈ ગયો હતો.

હિન્દુ સંગઠનોમાં ઉઠ્યો હતો ભારે રોષ
વીડિયોમાં કેટલાક યુવકો ભગવાન દ્વારકાધીશ પર ચલણી નોટો ઉડાડતા પણ જોવા મળ્યા હતા. તે સમયે પણ સવાલ ઉઠ્યો હતો કે મંદિરમાં Z કેટેગરીની સિક્યોરિટી હોવા છતા આ પ્રકારનું કૃત્ય કઈ રીતે થઈ શક્યું. આ વીડિયો વાયરલ થયા બાદ હિન્દુ સંગઠનોમાં ભારે રોષ સાથે ઉગ્ર વિરોધ ઉઠ્યો હતો.

દ્વારકા-સોમનાથની સુરક્ષામાં કરાયો વધારો: આતંકી હુમલાની ધમકીને પગલે ગુજરાતમાં ઍલર્ટ | Security tightened in dwarka and somnath after the threat of terrerist attack in gujarat

સળગતા સવાલ
- દ્વારકાધીશ મંદિરમાં CCTV બંધ કેમ છે?
- Z કેટેગરીની સુરક્ષામાં મંદિરનો સમાવેશ થાય છે તો સુરક્ષાના નામે શૂન્ય કેમ?
- દર વર્ષે કરોડોની ગ્રાન્ટ મંજૂર થાય તો પણ CCTV બંધ કેમ?
- CCTVના અભાવે મંદિરમાં અઘટિત ઘટના બનશે તો જવાબદાર કોણ?
- પોલીસ વિભાગ અઘટિત ઘટનાની જવાબદારી લેશે?
- શું પોલીસ વિભાગને CCTV બંધ હોવાનો ખ્યાલ નથી?
- પોલીસ વિભાગ તમામ CCTV ક્યારે શરૂ કરશે?

સંકળાયેલા મુદ્દાઓ

Dwarka temple Dwarkadhish temple દેવભૂમિ દ્રારકા દ્વારકા દ્વારકા મંદિર દ્વારકાધીશ મંદિર સુરક્ષામાં ચૂક Devbhoomi Dwarka News