દુર્ઘટના / વાંદરાઓએ પરિવારની ખુશી છીનવી લીધી, પિતા પાસેથી ઝૂંટવીને 4 મહિનાના છોકરાને ત્રીજા માળેથી ફેંક્યો, તરત મોત

• ઉત્તર પ્રદેશના બરેલી વાંદરા બન્યા હત્યારા
• 4 મહિનાના બાળકને ચોથા માળેથી ઘા કરીને નીચે ફેંક્યું
• નીચે પટકાતા નવજાતનું મોત
• પિતા ગરમીથી બચવા અગાશી પર આંટા મારી રહ્યાં હતા ત્યારે બની ઘટના

શાંત પ્રકૃ઼તિના ગણાતા વાંદરાઓ ક્યારેક ન કરવાનું કરી નાખતા હોય છે. યુપીના બરેલીમાં વાંદરાના એક ટોળાએ 4 મહિનાના નવજાતની હત્યા કરી નાખી. ઉત્તર પ્રદેશના બરેલીથી એક આઘાતજનક સમાચાર સામે આવ્યા છે. અહીંના શાહી પોલીસ સ્ટેશન વિસ્તાર હેઠળના ડંકામાં વાંદરાઓએ એક વ્યક્તિના હાથમાંથી 4 મહિનાના બાળકને છીનવીને છત પરથી ફેંકી દીધું હતું. બાળકનું ઘટના સ્થળે જ મોત નીપજ્યું હતું. 

નવજાતને લઈને પિતા અગાશી પર આંટા મારતા હતા
રાત દરમિયાન ગરમી વધુ હોવાના કારણે પિતા બાળકને છત પર ફરવા માટે લઇ ગયા હતા, આ દરમિયાન વાંદરાઓએ તેના પર હુમલો કરીને બાળકને ઝૂંટવીને ફેંકી દીધું હતું. બરેલીમાં આદેશ ઉપાધ્યાય નામના વ્યક્તિ પોતાના 4 મહિનાના બાળકને લઈને ટેરેસ પર ગયા હતા, ગરમી વધુ હોવાથી તેઓ નવજાતને લઈને અગાશી પર આંટાફેરા મારતા હતા. આ દરમિયાન અચાનક વાંદરાઓનું એક મોટું ટોળું આવ્યું અને આદેશ પર હુમલો કર્યો. વાંદરાના હુમલાથી તેઓ ગભરાઈ ગયા હતા અને ત્યાંથી નીચે જવા ભાગવા લાગ્યા હતા પરંતુ વાંદરાઓ જાણે કંઈક મોટું કરવા આવ્યાં હોય તેમ તેમને ઘેરી વળ્યાં હતા અને તેમના હાથમાંથી નવજાતને છીનવી લીધું હતું. અને કશું પણ વિચાર્યા વગર નવજાતને ચોથા માળેથી ઘા કરીને નીચે ફેંકી દીધું હતું. ત્રણ માળની છત પરથી પડતાં જ બાળકનું ઘટના સ્થળે જ મોત નીપજ્યું હતું. 

સાત વર્ષ પછી ઘેર છોકરાનો જન્મ થયો હતો
આદેશ ઉપાધ્યાયના ઘેર સાત વર્ષ બાદ છોકરાનો જન્મ થયો હતો અને તેથી આખો પરિવાર ખુશ હતો અને પરિવાર બાળકના નામકરણની વિધિમાં પડ્યો હતો. આમ સાત વર્ષની ખુશી પળવારમાં શોકમાં ફેરવાઈ ગઈ. આખો પરિવાર રોઈ રોઈને અધમૂઓ થઈ ગયો છે.