LAC / ભારત-ચીન વચ્ચેની અથડામણને લઇને વિદેશ મંત્રાલયનું નિવેદન- બંન્ને દેશોએ ભોગવવું પડ્યું નુકસાન

• ભારત-ચીન ઘર્ષણ મામલે વિદેશ મંત્રાલયનું નિવેદન
• બંન્ને દેશોએ નુકસાન ઉઠાવવું પડ્યું છે

વિદેશ મંત્રાલયના પ્રવક્તા અનુરાગ શ્રીવાસ્તવે કહ્યું કે, સીમા વિવિધને ઉકેલવા માટે સેન્ય અને રાજકીય સ્તરે વાતચીત ચાલુ છે, 6 જૂનના રોજ સીનિયર કમાન્ડર વચ્ચે સારી બેઠક રહી. ત્યારબાદ ગ્રાઉન્ડ કમાન્ડર વચ્ચે પણ કેટલીય બેઠક યોજાઇ હતી. 

ચીની સેન્ય પાછળ હટી 

વિદેશ મંત્રાલયે કહ્યું કે અમને આશા છે કે બધું બરાબર થશે. LACનું સન્માન કરતા ગલવાન ખીણમાંથી ચીની સેન્ય પાછળની તરફ હટી છે, પરંતુ ચીને એકતરફી રીતે પરિસ્થિતિ બદલવાનો પ્રયાસ કર્યા પછી 15 જૂને હિંસક અથડામણ શરૂ થઈ. આમાં બંને પક્ષના લોકો મૃત્યુ પામ્યા હતા, તે ટાળી શકાયું હોત.

વિદેશ મંત્રાલયના પ્રવક્તા અનુરાગ શ્રીવાસ્તવે વધુમાં કહ્યું કે સરહદ વ્યવસ્થાપન પ્રત્યે ભારતનો જવાબદાર વલણ છે. LACમાં ભારત તમામ મર્યાદામાં કામ કરે છે. ચીન પાસેથી પણ આવી અપેક્ષા રાખીએ છીએ. નિવેદનમાં કહેવામાં આવ્યું છે કે ભારત સરહદી વિસ્તારોમાં શાંતિ અને સંવાદ દ્વારા મતભેદોનો ઉકેલ લાવવા માંગે છે.

શું છે સમગ્ર મામલો

લાઇન ઓફ એક્ચ્યુઅલ કંટ્રોલ (એલએસી) ને લઈને ચીન સાથેના વિવાદ બાદ, ભારતીય સેનાના ત્રણ સૈનિકોના મોત બાદ મોદી સરકાર એક્શનમાં આવી ગઈ છે. સંરક્ષણ પ્રધાન રાજનાથસિંહે ચીફ ઓફ ડિફેન્સ સ્ટાફ (સીડીએસ) જનરલ બિપિન રાવતને ત્રણેય સર્વિસિસના ચીફ સહિત સમન મોકલ્યું છે. તેમજ વિદેશ પ્રધાન એસ.જયશંકર સાથે એક બેઠક પણ ચાલી રહી છે.

નોંધપાત્ર વાત એ છે કે લદાખ બોર્ડર પર ભારત અને ચીન વચ્ચેનો વિવાદ ઘણા સમયથી ચાલી રહ્યો છે. સોમવારે રાત્રે બંને દેશોની સેના વચ્ચે હિંસક અથડામણ થઈ હતી. આ અથડામણમાં ભારતીય સેનાના બે અધિકારીઓ અને બે જવાનો શહીદ થયા છે. સોમવારે રાત્રે ગાલવાન ખીણ પર બંને દેશોના સૈન્ય અધિકારીઓ વચ્ચે વાતચીત થઈ ત્યારે આ ઘટના બની છે.

2 ભારતીય જવાન થયાં શહીદ 

છેલ્લા કેટલાક સમયથી ભારત અને ચીન વચ્ચે વિવાદ ચાલી રહ્યો છે. લદાખની સરહદ પર ભારત અને ચીન આમને સામને આવી ગયા છે જેમાં ભારત અને ચીનના કમાન્ડર વચ્ચે વાતચીત પણ કરવામાં પરંતુ આજે ભારત અને ચીનની સરહદ પર આવી અથડામણ થઇ જેમાં ભારતનાં એક ઓફિસર અને 2 જવાને શહીદી વહોરી છે.