હેલ્થ ટિપ્સ / ખાટા ઓડકાર, ગેસ, કબજિયાતથી બચવું હોય તો નાસ્તામાં આ વસ્તુઓ ટાળો, દવાની જરૂર પણ નહીં પડે

• નાસ્તામાં દૂધ, કોફી અને ચાનું સેવન ટાળવું જોઈએ  
• નાસ્તામાં કોબીનું સેવન ટાળો 
• કાચી કાકડી અને ડુંગળીનું સેવન ટાળો

આજકાલ લોકોની જીવનશૈલી અને તેમનું ખરાબ ખાનપાનને લઈને વધેલું વલણ તેમને બીમાર પાડી રહ્યું છે. જેના કારણે તેમને અવારનવાર પેટ દુ:ખાવો, ગેસ, એસિડિટી જેવી સમસ્યાઓનો સામનો કરવો પડે છે. ઘણા લોકોને જમ્યા પછી તરત જ ગેસ અને પેટ ફુલાઈ જવાની સમસ્યાઓ થાય છે. આ સમસ્યાથી છુટકારો મેળવવા માટે લોકો દવાનું સેવન કરે છે. પાચનને લગતી કોઈ પણ સમસ્યા સંપૂર્ણ શરીર પર અસર કરે છે. જેના કારણે શરીરમાં અન્ય સમસ્યાઓ સર્જાય છે. જેમકે કબજિયાત, ઊલટી અને વજન ઓછું થવુ. સ્વાસ્થ્ય નિષ્ણાંતનાં મટે સવારનાં નાસ્તામાં સામાન્ય સુધાર કરીને આ બધી જ સમસ્યાઓથી છુટકારો મેળવી શકાય છે. તેમના જણાવ્યા મુજબ સવારે આ ખોરાકનું સેવન ટાળવું જોઈએ. 

નાસ્તામાં દૂધ, કોફી અને ચાનું સેવન ટાળવું જોઈએ 
સ્વાસ્થ્ય નિષ્ણાંતનાં જણાવ્યા મુજબ સવારે નાસ્તામાં ચા અથવા કોફીનું સેવન કરવામાં આવે તો તેનાથી ગેસની સમસ્યા સર્જાય છે. સવારે તમારે હર્બલ ટીનું સેવન કરવું જોઈએ. 

નાસ્તામાં કોબીનું સેવન ટાળો 
કોબીમાં કાર્બોહાઈડ્રેટ હોય છે. જેને પચાવવું મુશ્કેલ છે. તેનું સેવન સવારે કરવામાં આવે તો ગેસની સમસ્યા થાય છે. તમે તેની જગ્યાએ પાલકનાં શાકનું સેવન કરી શકો છો. 

સફરજન અને નાશપતી 
આ ફળોમાં ફ્રુકટોઝ અને ફાયબરની માત્રા વધુ હોય છે. જેના કારણે પેટ ફૂલવાની સમસ્યા થાય છે. નિષ્ણાંતનાં જણાવ્યા મુજબ સવારે તમે આ ફળની જગ્યાએ બેરી અથવા તરબૂચ જેવા ઓછા ફ્રુકટોઝ ફળોનું સેવન કરી શકો છો. 

વાંચવા જેવું: ઠંડીની સિઝન ખતમ થાય એ પહેલા આ શાકભાજી ખાવાનું શરૂ કરી દો, રહેશો આખુંય વર્ષ ફિટ

કાચી કાકડી અને ડુંગળીનું સેવન ટાળો 
સવારના નાસ્તામાં ક્યારેય પણ કાચી કાકડી અને ડુંગળીનું સેવન ન કરવું જોઈએ. તેમા હાઇ ફાયબર હોય છે. જેનાથી પાચનની સમસ્યા થાય છે. આ શાકભાજીને રાંધીને જ ખાવા જોઈએ. નાસ્તામાં બાફેલા ગાજર અને શિમલા મિર્ચ જેવા શાકભાજીનું સેવન કરો. 

મકાઇ સેવન ટાળો 
મકાઈમાં સેલ્યુલોઝ હોય છે. જે એક પ્રકારનું ફાયબર જ છે. જે પચવામાં ભારે હોય છે. તેથી સવારે નાસ્તામાં ભાત અથવા ક્વિનોઆનું સેવન કરવું જોઈએ.