MICROSOFT / દુનિયાની દિગ્ગજ કંપનીએ રોકાણકારોને કર્યા માલામાલ, 10 વર્ષમાં 11 ગણા કરી નાખ્યા રૂપિયા, રૂપિયા ગણતાં થાક્યા લોકો

• સત્ય નડેલા 10 વર્ષ પહેલા માઈક્રોસોફ્ટના CEO બન્યા
• કંપની તથા રોકાણકારોને મજબૂત સ્થિતિમાં લાવી દીધા
• કંપનીના શેરમાં 1000 ટકાનો વધારો થયો

IT કંપની માઈક્રોસોફ્ટના CEO સત્ય નડેલા 10 વર્ષ પહેલા આ પોસ્ટ પર પહોંચ્યા હતા. તેઓ બિલ ગેટ્સ અને સ્ટીવ બાલ્મર જેવા દિગ્ગજોની જગ્યા પર પહોંચવા જઈ રહ્યા હતા. સત્ય નડેલા 4 ફેબ્રુઆરી 2014ના રોજ માઈક્રોસોફ્ટના CEO બન્યા હતા અને 10 વર્ષમાં કંપની તથા રોકાણકારોને મજબૂત સ્થિતિમાં લાવી દીધા છે. સત્ય નડેલાના કાર્યકાળ દરમિયાન કંપનીના શેરમાં 1000 ટકાનો વધારો થયો હતો. માઈક્રોસોફ્ટની માર્કેટ વેલ્યૂ 3 ટ્રિલિયન ડોલરથી પણ વધુ છે. આ દરમિયાન રોકાણકારોને ખૂબ જ ફાયદો થયો અને તેમને 11 ગણો ફાયદો થયો છે. 

ક્લાઉડ ક્મ્પ્યૂટિંગ અને AI સેક્ટરે દિગ્ગજ બનાવ્યા
ભારતીય મૂળના સત્ય નડેલાએ કાર્યભાર સંભાળ્યા પછી માઈક્રોસોફ્ટને સોફ્ટવેર કંપનીમાંથી ક્લાઉડ કમ્પ્યૂટિંગ અને આર્ટિફિશિયલ ઈન્ટેલિજેન્સ સેક્ટરની દિગ્ગજ કંપની બનાવી દીધી છે. હાલમાં માઈક્રોસોફ્ટની માર્કેટ વેલ્યૂ Apple કંપની કરતા પણ વધી ગઈ છે. માઈક્રોસોફ્ટના મુકાબલા માટે એપ્પલના સ્ટીવ જોબ્સ જેવા કોઈ દિગ્ગજે માર્કેટમાં ફરી આવવું પડશે. 

શેરહોલ્ડર્સ માટે 2.8 ટ્રિલિયન ડોલરની કમાણી
છેલ્લા એક દાયકામાં સત્ય નડેલાના નેતૃત્ત્વમાં માઈક્રોસોફ્ટના શેરહોલ્ડર્સે લગભગ 2.8 ટ્રિલિયન ડોલરની કમાણી કરી છે. જો તે સમયે આ કંપનીના શેરમાં 10 હજાર ડોલરનું રોકાણ કર્યું હોત તો તે રકમ અત્યારે 1.13 લાખ ડોલર સુધી પહોંચી ગઈ હોત. સત્ય નડેલાએ 10 વર્ષ પહેલા જણાવ્યું હતું કે, અમારી ઈન્ડસ્ટ્રી નવા વિચારોનું સમ્માન કરે છે. સત્ય નડેલાએ આ જ બાબત સાબિત કરીને બતાવી છે. 

વધુ વાંચો: 20 હજાર રૂપિયા સેલરી હોય તો પણ શું થયું, આવી રીતે ભેગા કરી શકશો 1 કરોડ, બસ રોકાણની રીત જાણી લો

સત્ય નડેલા ક્યાં સુધી આ પદ પર રહેશે
સત્ય નડેલા 56 વર્ષના થઈ ગયા છે, ગયા વર્ષે તેમને પગાર તરીકે 4.85 કરોડ ડોલર મળ્યા હતા. સત્ય નડેલાના કાર્યકાળને જોઈને લાગી રહ્યું છે કે, તેઓ થોડા સમય સુધી આ પોસ્ટ પર રહેશે. સત્ય નડેલાએ માર્કેટમાં એક મજબૂત  CEO તરીકેની છાપ ઊભી કરી છે. હાલમાં તેઓ કંપનીને આગળ વધતી જોઈને ખૂબ જ ખુશ છે.