આગાહી / ગુજરાતમાં આગામી 24 કલાક અતિભારે: અમદાવાદથી લઈને અમરેલી સુધી બારે મેઘ ખાંગાં, જુઓ કેટલા જિલ્લાઓમાં અપાયું રેડ ઍલર્ટ

• હવામાન વિભાગે કરી વરસાદની આગાહી
• આગામી 5 દિવસ વરસાદની આગાહી
• આગામી 24 કલાક વરસાદ યથાવત રહેશે 

રાજ્યમાં ફરી વરસાદને લઈ હવામાન વિભાગે આગાહી કરી છે. આગામી 5 દિવસ અતિભારે વરસાદની આગાહી કરાઈ છે. જેમાં આગામી 24 કલાક વરસાદનું જોર યથાવત રહેશે તેમજ નવસારી, જામનગર, કચ્છમાં ઓરેન્જ અલર્ટ જાહેર કરાયું છે 

2 દિવસ બાદ વરસાદનું જોર ઘટશે 
હવામાન વિભાગે વરસાદને લઈ રાજકોટ, દ્વારકા અને ભાવનગરમાં રેડ એલર્ટ જાહેર કર્યું છે. જ્યારે વલસાડ, દમણ, દાદરા નગર હવેલીમાં રેડ અલર્ટ જાહેર કરાયું છે. સૌરાષ્ટ્રમાં ભારેથી અતિભારે વરસાદની આગાહી કરવામાં આવી છે જ્યારે જૂનાગઢમાં હજુ પણ અતિભારે વરસાદ રહેશે જ્યારે નવસારી, જામનગર, કચ્છમાં ઓરેન્જ અલર્ટ જાહેર કરાયું છે.  તેમજ અમરેલી, સોમનાથ, જૂનાગઢ, ભરૂચ અને વડોદરામાં પણ ઓરેન્જ અલર્ટ જાહેર કરાયું છે. અમદાવાદમાં પણ અતિભારે વરસાદ રહેશે અને આગામી 3 દિવસ માછીમારોને દરિયો ન ખેડવા સૂચના આપી છે અને 2 દિવસ બાદ વરસાદનું જોર ઘટશે. 

પરેશ ગોસ્વામીની આગાહી
હવામાન નિષ્ણાંત પરેશ ગોસ્વામીએ જણાવ્યું કે, વેરાવળ, જૂનાગઢ, માણાવદર, પોરબંદર, દ્વારકા, ઓખા, માંડવી, કચ્છમાં ભારે વરસાદ થશે. વધુમાં આગાહી કરતા જણાવ્યું કે, દક્ષિણ ગુજરાતમાં વરસાદનુ જોર ઘટશે અને અમરેલી, જૂનાગઢ, મોરબીમાં મધ્યમ વરસાદ રહેશે. સુરેન્દ્રનગર, રાજકોટ, ગાંધીનગર, અમદાવાદ, આણંદમાં સામાન્યથી મધ્યમ વરસાદની આગાહી કરાઈ છે.