એ છેને મજાની જિંદગી / VIDEO : પત્નીએ સાઈકલ ચલાવી, પતિએ છોકરું તેડ્યું, કપલ નીકળ્યું ઝોમેટોની ફૂડ ડિલિવરી માટે, વીડિયો સ્પર્શી ગયો દિલને

• સોશિયલ મીડિયામાં પતિ-પત્ની અને બાળકનો વીડિયો વાયરલ
• પતિ-પત્ની સાથે મળીને નીકળ્યાં ઝોમેટોની ફૂડ ડિલવરી કરવા
• દિલ્હી મહિલા પંચના અધ્યક્ષ સ્વાતી માલિવાલે શેર કર્યો વીડિયો 

દિલ્હી મહિલા આયોગના અધ્યક્ષ સ્વાતિ માલીવાલને મહિલાઓ વિરુદ્ધ વધી રહેલા અપરાધોને લઈને ઉશ્કેરાયેલી દરેક વ્યક્તિએ જોઈ હશે. મહિલાઓને ન્યાય મળે તે માટે તે સરકારનો મુકાબલો કરવામાં પાછીપાની કરતી નથી. પરંતુ, આજે સ્વાતિ માલીવાલે તેના સોશિયલ મીડિયામાં એક સુંદર લાગણી વ્યક્ત કરતો એક વીડિયો શેર કર્યો છે. આ સાથે કેપ્શનમાં 'તુ હૈ તો મુઝે ફિર ઔર ક્યા ચાહિયે' ગીતની એક લાઇન લખી છે.

“Tu hai to mujhe fir aur kya chahiye”
This should be the official video of the song ❤️ pic.twitter.com/G9MQOnfW9x

— Swati Maliwal (@SwatiJaiHind) July 7, 2023

સાઈકલ અને છોકરું લઈને ઝોમેટોની ફૂડ ડિલિવરી કરવા નીકળ્યાં પતિ-પત્ની 
સ્વાતિ માલીવાલ દ્વારા સોશિયલ મીડિયા પર પોસ્ટ કરવામાં આવેલા વીડિયોમાં પતિ-પત્નીની જોડી સાઈકલ દ્વારા ઓનલાઈન ફૂડ ડિલિવરી કરતી જોવા મળે છે. વીડિયોમાં પતિેને બાળકને તેડું રહેલો અને પત્નીને સાઈકલ ચલાવતા જોઈ શકાય છે. બંને એકબીજા સાથે સમય વિતાવીને સખત મહેનત કરી રહ્યા છે અને લોકોને ભોજન પહોંચાડી રહ્યાં છે.  આવી સ્થિતિમાં સ્વાતિ માલીવાલે વીડિયો શેર કરીને બધાના દિલને સ્પર્શી લીધા. આ પ્રેરણાદાયી વીડિયો સાથે એક ગીત 'તુ હૈ તો મુઝે ફિર ઔર ક્યા ચાહિયે' પણ શેર કરવામાં આવ્યું છે.

વીડિયો ક્યાંનો તે અજ્ઞાત પણ સ્પર્શી ગયો લોકોના દિલને 
જો કે આ વીડિયો કયા શહેરનો છે તે હજુ સુધી જાણી શકાયું નથી. તેમજ વિડિયોમાં દેખાતું કપલ કોણ છે તેની પુષ્ટિ થઈ નથી. પરંતુ, આ વીડિયો ચોક્કસ લોકોના દિલને સ્પર્શી ગયો છે. આ જોઈને લોકો અલગ-અલગ કોમેન્ટ કરી રહ્યા છે. વીડિયો જોઈ રહેલા એક યુઝરે કહ્યું કે આ સાચો પ્રેમ છે, વાસ્તવિક સંઘર્ષ છે, વાસ્તવિક ભારત છે. જ્યારે અન્ય એકે કહ્યું કે જે મહિલાઓ ખોટા આરોપ લગાવતી હોય છે તેમને આ વીડિયો દેખાડવો જોઈએ.