- મેક-અપ કર્યા પછી જો આપણે બ્રશને સાફ ન કરીએ તો તેમાં બેક્ટેરિયાનું પ્રમાણ ખૂબ વધી જાય છે
- મેકઅપ બ્રશ સેમ્પલની સરખામણી ટોયલેટ સીટના સેમ્પલ સાથે કરવામાં આવી
- મેકઅપ બ્રેશ અઠવાડિયામાં ઓછામાં ઓછા એક વખત તેને ધોવા જોઇએ
Makeup Brush Hygiene:અત્યારના સમયમાં દરેક મહિલા મેકઅપ કરે છે. મેકઅપ માટે જરુરી સામાન પણ પોતાની પાસે વસાવી લે છે. હવે મેકઅપના બ્રેશને લઇને જ એક સ્ટડી થયું છે. તે મુજબ, તમારા મેકઅપ બ્રશ ટોયલેટ સીટ કરતાં વધુ ગંદા હોઈ શકે છે. તેથી આગલી વખતે તમે મેકઅપ બ્રશનો ઉપયોગ કરો, ખાતરી કરો કે તે સારી રીતે સાફ છે.
સંશોધનમાં જાણવા મળ્યું છે કે મેક-અપ કર્યા પછી જો આપણે બ્રશને સાફ ન કરીએ તો તેમાં બેક્ટેરિયાનું પ્રમાણ ખૂબ વધી જાય છે. બેક્ટેરિયાનું પ્રમાણ ટોઇલેટ સીટ કરતાં વધુ હોય છે.
કોસ્મેટિક ટૂલ બ્રાન્ડ સ્પેક્ટ્રમ કલેક્શન દ્વારા કરવામાં આવેલા સ્ટડીમાં જાણવા મળ્યું છે કે તમે તમારા મેકઅપ બ્રશને ગમે ત્યાં રાખો છો, જો તે ગંદા હોય, તો તેમાં રહેલા બેક્ટેરિયાની માત્રા તમને આશ્ચર્યચકિત કરશે. સંશોધકોએ આ સંશોધન માટે સ્વચ્છ અને ગંદા મેકઅપ બ્રશના સ્વેબ લીધા. આ બ્રશ વિવિધ સ્ટોરેજમાં મૂકવામાં આવ્યા હતા, જેમ કે બેડરૂમ, મેકઅપ બેગ, ડ્રોઅર્સ અને બ્રશ બેગ અને બાથરૂમ.
જ્યારે આ મેકઅપ બ્રશ સેમ્પલની સરખામણી ટોયલેટ સીટના સેમ્પલ સાથે કરવામાં આવી હતી, ત્યારે બેક્ટેરિયાનું પ્રમાણ સામાન્ય અથવા ટોયલેટ સીટ કરતા વધારે હતું. સ્વચ્છ મેકઅપ બ્રશમાં ગંદા કરતા નોંધપાત્ર રીતે ઓછા બેક્ટેરિયા હતા.
આ બેક્ટેરિયા તમને કેવી રીતે કરે છે અસર ?
કોસ્મેટિક્સ સાયન્ટિસ્ટ કાર્લી મિસ્લેહે સ્પેક્ટ્રમ કલેક્શનને જણાવ્યું હતું કે મેકઅપ બ્રશ ચહેરામાંથી બેક્ટેરિયા, ડેડ સ્કિન સેલ્સ અને તેલ પ્રોડક્ટ સુધી પહોંચે છે. જો કે, તમામ પ્રકારના બેક્ટેરિયા હાનિકારક હોય તે જરૂરી નથી. પરંતુ જો તમે દરરોજ ગંદા બ્રશનો ઉપયોગ કરો છો, તો તેનાથી ખીલ થઈ શકે છે અથવા ત્વચાની સમસ્યા વધી શકે છે.
તો આવામાં શું કરવું જોઇએ ?
જો તમને દરરોજ મેકઅપ બ્રશ ધોવાનું મુશ્કેલ લાગે છે, તો એક્સપર્ટ્સ અઠવાડિયામાં ઓછામાં ઓછા એક વખત તેને ધોવાની સલાહ આપે છે.
મેકઅપ બ્રેશને સાફ રાખવા માટે શું કરવુ જોઇએ ?
- મેકઅપ બ્રશ સાફ કરવાનો સૌથી સહેલો રસ્તો એ છે કે હળવા પ્રવાહી સાબુનો ઉપયોગ કરવો. સાબુના 2-3 ટીપાં લો અને તેમાં થોડું પાણી ઉમેરો. હવે તેને બ્રશ પર લગાવીને ધોઈ લો. એક પછી એક બધા બ્રશ ધોઈ લો. ખાતરી કરો કે તેમના પર મેકઅપ ન રહી જાય. સ્વચ્છ ટુવાલથી સાફ કરો અને પછી સૂકવવા માટે છોડી દો.
- અઠવાડિયામાં ઓછામાં ઓછા એક વખત મેકઅપ બ્રશ ધોવા. જો કે, દરેક ઉપયોગ પછી આઈલાઈનર અને ફાઉન્ડેશન બ્રશ ધોઈ લો.
- જો તમે ક્રીમ પ્રોડક્ટનો ઉપયોગ કરો છો, તો દરેક ઉપયોગ પછી બ્રશને ધોઈ લો.
- તેમને હંમેશા બંધ બૉક્સમાં સંગ્રહિત કરો, જેથી ધૂળ અને ગંદકી એકઠા ન થાય. બ્રશને ખુલ્લામાં ન રાખો.
- આ સિવાય તમે સ્વચ્છ બ્રશને સ્વચ્છ ઝિપર પાઉચમાં રાખી શકો છો. પરંતુ તેને ડ્રોઅરમાં ખુલ્લું ન રાખો.
-
Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી.
