વીડિયો વાયરલ / મૈં હૂં ડોન... ગીત પર કોંગ્રેસ MLAનો ડાંસ અને રિવોલ્વરથી કર્યું ફાયરિંગ, વીડિયો બાદ સરકારની કાર્યવાહી

• મધ્યપ્રદેશના કોંગ્રેસના ધારાસભ્ય ફરી મુકાયા મુશ્કેલીમાં
• બંદૂક સાથે સ્ટેજ પર નાચતો વીડિયો વાયરલ
• ગૃહમંત્રી નરોત્તમ મિશ્રાએ ધારાસભ્ય સામે યોગ્ય કાર્યવાહિના આદેશ આપ્યા

કોંગ્રેસના ધારાસભ્ય એક ખાનગી કાર્યક્રમમાં બંદૂક લઈને નાચતા જોવા મળ્યા! અને જ્યારે તે ડાન્સનો વીડિયો સામે આવ્યો ત્યારે મધ્યપ્રદેશના કોટમારના કોંગ્રેસના ધારાસભ્ય સુનીલ સરાફ મુશ્કેલીમાં મુકાઈ ગયા છે. મધ્યપ્રદેશ પોલીસે કહ્યું કે જો આરોપો સાચા સાબિત થશે તો તેઓ કોંગ્રેસના ધારાસભ્ય વિરુદ્ધ યોગ્ય કાર્યવાહી કરશે.

ધારાસભ્ય વિરૂદ્ધ કાર્યવાહિની સૂચના
વાયરલ વીડિયોમાં સુનીલ સ્ટેજ પર 'બંદૂક' પકડીને ચાર લોકો સાથે ડાન્સ કરતા જોવા મળે છે. આ વીડિયો વાયરલ થતાં મધ્યપ્રદેશના ગૃહમંત્રી નરોત્તમ મિશ્રાએ પ્રેસ કોન્ફરન્સમાં જણાવ્યું હતું કે, "અનુપપુર પોલીસ સ્ટેશનના પોલીસ અધિક્ષકને કોંગ્રેસના ધારાસભ્ય વિરુદ્ધ યોગ્ય કાર્યવાહી કરવા સૂચના આપવામાં આવી છે."

Firing LIVE by MLA..!

Congress MLA Sunil Saraf from Kotma,Anuppur,MP again in controversy..

Few weeks ago he was booked for Misbehaving a woman in running train Now he is caught in camera Firing during New year Celebration..on the Song *मैं हूं डॉन.@SuneelSarafINC pic.twitter.com/gTw1kBiVsJ

— Govind Gurjar (@Gurjarrrrr) January 1, 2023

ધારાસભ્ય સામે જાતીય સતામણીનો કેસ પણ નોંધાયેલો છે
પરંતુ આ પ્રથમ વખત નથી. ગયા વર્ષે ઓક્ટોબરની શરૂઆતમાં, કોંગ્રેસ ધારાસભ્ય સુનીલ વિરુદ્ધ ચાલતી ટ્રેનમાં કથિત રીતે એક મહિલાને જાતીય સતામણી કરવાનો કેસ દાખલ કરવામાં આવ્યો હતો.

ફરિયાદીએ દાવો કર્યો હતો કે નશામાં સુનીલ અને અન્ય ધારાસભ્યએ રેવાંચલ એક્સપ્રેસમાં તેણીની જાતીય સતામણી કરી હતી. પીડિતા તેના પતિ અને સાત મહિનાના બાળક સાથે રીવાથી ભોપાલ જઈ રહી હતી.