મનોરંજન / સટ્ટાબાજીના એપ કેસમાં મહારાષ્ટ્ર પોલીસે કરી બાદશાહની પૂછપરછ, અન્ય 40 કલાકારો સામે FIR દાખલ, શું છે મામલો?

• મહારાષ્ટ્ર પોલીસે સટ્ટાબાજીના કેસમાં બાદશાહની પૂછપરછ કરી 
• બાદશાહ સહીત અન્ય કલાકારો સામે FIR નોંધાઈ
• બાદશાહ એ ઓનલાઈન સટ્ટાબાજીની એપનું કર્યું હતું પ્રમોશન 

રેપર બાદશાહ ફરી એકવાર હેડલાઇન્સમાં છે. બાદશાહ મહારાષ્ટ્ર સાયબર ઓફિસમાં ગઈકાલે એટલે કે 30મી ઓક્ટોબરે જોવા મળ્યો હતો. વાયકોમ 18 નેટવર્કે રેપર બાદશાહ અને બોલિવૂડના 40 અન્ય કલાકારો સામે ફેરપ્લે નામની સટ્ટાબાજીની એપ પર IPL મેચ જોવાનો પ્રચાર કરવા બદલ FIR નોંધાવી છે.

#WATCH | Maharashtra Police Cyber Cell is questioning rapper Badshah in Mumbai, in connection with the online betting company app 'FairPlay'. pic.twitter.com/QAcEYqk7Ly

— ANI (@ANI) October 30, 2023

પૂછપરછ માટે બોલાવવામાં આવ્યા
જો અહેવાલો પર વિશ્વાસ કરવામાં આવે તો એવું કહેવામાં આવી રહ્યું છે કે રેપર બાદશાહ એક ઓનલાઈન સટ્ટાબાજીની એપના પ્રમોશનનો ભાગ હતો. જેના કારણે એમને પૂછપરછ માટે બોલાવવામાં આવ્યા હતા.

શું છે સમગ્ર મામલો
એવા અહેવાલો છે કે બાદશાહે આ એપનો પ્રચાર કર્યો હતો. એપના પ્રચારને કારણે મહારાષ્ટ્ર પોલીસ સાયબર સેલે રેપર સિંગર બાદશાહને પૂછપરછ માટે સમન્સ પાઠવ્યું હતું. રિપોર્ટ અનુસાર, ફેરપ્લે નામની એક એપ આઈપીએલ બતાવી રહી હતી પણ તેની પાસે આવી સ્ટ્રીમિંગની કોઈ પરવાનગી નથી.

જ્યારે વાયકોમ 18 પાસે ક્રિકેટ મેચો સ્ટ્રીમ કરવા માટે આઈ.પી.આર. મીડિયા નેટવર્કે છે. હવે એવો દાવો કરવામાં આવી રહ્યો છે કે આ તમામ 40 કલાકારોએ ફેરપ્લે એપ પર ટૂર્નામેન્ટનો પ્રચાર કર્યો હતો. વાયાકોમની ફરિયાદ બાદ મહારાષ્ટ્ર સાયબર વિભાગે ફેરપ્લે વિરુદ્ધ ડિજિટલ કોપીરાઈટરનો કેસ નોંધ્યો છે. 

Maharashtra Police Cyber Cell is questioning rapper Badshah in Mumbai, in connection with the online betting company app 'FairPlay'. 40 celebrities including the rapper had allegedly promoted the FairPlay app.

(file photo) pic.twitter.com/IFCXbFruW5

— ANI (@ANI) October 30, 2023

હવે અહિયાં મહત્વની વાત એ છે કે ફેરપ્લે એપ મહાદેવ એપથી સંબંધિત છે, જેને સૌરભ ચંદ્રાકર અને રવિ ઉપ્પલ દ્વારા પ્રમોટ કરવામાં આવે છે. જોકે, આ કેસમાં અન્ય 40 કલાકારો કોણ છે તે અંગે હજુ સુધી કોઈ માહિતી સામે આવી નથી.

ફેરપ્લે મહાદેવ એપ સાથે જોડાયેલ છે
જણાવી દઈએ કે ED હાલમાં મહાદેવ બુક એપ મની લોન્ડરિંગ માટે તપાસ કરી રહી છે. આ કેસમાં રણબીર કપૂર, હુમા કુરેશી, કપિલ શર્મા અને શ્રદ્ધા કપૂર સહિત અનેક સેલિબ્રિટીઓને સમન્સ મોકલવામાં આવ્યા હતા. જ્યારે સંજય દત્ત, સુનીલ શેટ્ટી અને ટાઈગર શ્રોફ જેવા બોલીવુડના દિગ્ગજ કલાકારો આ વર્ષે ફેબ્રુઆરીમાં ચંદ્રાકરના લગ્નમાં હાજરી આપવાના અહેવાલ છે.