- ભગવાનનો આ મંત્રજાપ છે અક્સિર
- શિવજીની થશે વિશેષ કૃપા
- ગંભીર સંજોગોમાં ખાસ કરે આ જાપ
મહામૃત્યુંજય મંત્ર ભગવાન શિવ શંકરને પ્રસન્ન કરવા માટેનો વિશેષ મંત્ર છે. ઋગ્વેદથી યજુર્વેદમાં આ મંત્રનો ઉલ્લેખ છે. કહેવાય છે કે જો કોઈ વ્યક્તિ ભયમુક્ત, રોગમુક્ત જીવન ઈચ્છે છે અને અકાળ મૃત્યુના ભયથી મુક્ત થવા ઈચ્છે છે તો તેણે 'મહામૃત્યુંજય મંત્ર'નો જાપ કરવો જોઈએ. મહામૃત્યુંજય મંત્ર ભગવાન ભોલેનાથનો સૌથી પ્રિય મંત્ર છે. આ મંત્રનો જાપ કરવાથી વ્યક્તિના તમામ અવરોધો અને પરેશાનીઓ દૂર થઈ જાય છે. શિવપુરાણ અને અન્ય શાસ્ત્રોમાં પણ તેનું મહત્વ વિસ્તારપૂર્વક જણાવવામાં આવ્યું છે.શિવપુરાણ અનુસાર મહામૃત્યુંજય મંત્રનો જાપ કરવાથી વ્યક્તિ સંસારની તમામ મુશ્કેલીઓમાંથી મુક્તિ મેળવે છે.
મહામૃત્યુંજય મંત્રનો જાપ ફક્ત ખાસ સંજોગોમાં જ કરવામાં આવે છે. ભગવાન શિવના મહામૃત્યુંજય મંત્રનો જાપ અકાળ મૃત્યુ, મોટા રોગ, ધનની હાનિ, ઘરેલું પરેશાનીઓ, ગ્રહોની અવરોધો, ગ્રહોની પીડા, સજાનો ભય, મિલકતના વિવાદ, તમામ પાપોથી મુક્તિ વગેરે જેવી પરિસ્થિતિઓમાં કરવામાં આવે છે. તેના ચમત્કારી ફાયદા જોવા મળે છે. આ બધી સમસ્યાઓથી છુટકારો મેળવવા માટે મહામૃત્યુંજય મંત્ર અથવા લઘુ મૃત્યુંજય મંત્રનો જાપ કરો.
ધન પ્રાપ્તિ માટેના ઉપાય
હરસિંગારના ફૂલ અર્પણ કરો
માનવામાં આવે છે કે, સમુદ્ર મંથન દરમિયાન હરસિંગારના ફૂલની ઉત્પત્તિ થઈ હતી. તે સમયે દેવતાઓને આ ફૂલ મળ્યું હતું. શિવ પુરાણમાં જણાવવામાં આવ્યું છે કે, ભગવાન શિવની પૂજામાં આ ફૂલ ચઢાવવાથી ઉત્તમ ફળ પ્રાપ્ત થાય છે. હરસિંગાર અથવા પારિજાતના ફૂલથી શિવપૂજા કરવાથી તમામ સુખ સમૃદ્ધિ પ્રાપ્ત થાય છે.
શિવલિંગ પર બિલીપત્ર ચઢાવો
શિવપુરાણમાં જણાવવામાં આવ્યું છે કે, શ્રાવણ મહિનામાં ભગવાન શિવને એક લાખ બિલીપત્ર અર્પણ કરવા જોઈએ. આ ઉપાય કરવાથી તમામ ઈચ્છા પૂરી થાય છે અને ભૌતિક સુખની પ્રાપ્તિ થાય છે.
શિવલિંગ પર અક્ષત અર્પણ કરો
શિવપુરાણમાં જણાવવામાં આવ્યું છે કે, આર્થિક પરેશાનીથી મુક્તિ મેળવવા નિયમિતરૂપે ભગવાન શિવને ચોખા (અક્ષત) અર્પણ કરવાથી ધન પ્રાપ્તિ થાય છે. આ ચોખા તૂટેલા ના હોવા જોઈએ.
મગથી શિવલિંગનો અભિષેક
શિવપુરાણમાં જણાવવામાં આવ્યું છે કે, શ્રાવણ મહિનામાં ભગવાન શિવનો મગથી અભિષેક કરવો જોઈએ
