કાર્યવાહી / Reels પાછળ આવું ગાંડપણ! 26 હજારનો દંડ થયો ને બીજા જ દિવસે ફરી કર્યો કાંડ, જેલભેગો થયો 'બાદશાહ'

• નિતિનિયમ નેવે મૂકી સોશિયલ મીડિયામાં રિલ્સ બનાવવાની હોડ
• લખનૌમાં કાર સાથે સ્ટંટ કરતા શખ્સનો વીડિયો વાયરલ
• પોલીસ આરોપી સામે બે વખત કરી કાર્યવાહી

આજના યુવાનો નીતિ નિયમોને નેવે મૂકી આડેધડ સોશિયલ મીડિયામાં રિલ્સ બનાવી રહ્યા છે. જેમાં અનેક વખત યુવાનો સામે પોલીસે કાયદાનો દંડો ઉગામ્યો હોવાના કિસ્સાઓ પણ હાજરાહજૂર છે. છતાં આવા કિસ્સો અટકવાનું નામ લેતા નથી. તેવામાં લખનૌમાં આવો જ એક મામલો સામે આવ્યો છે. જ્યા રિલ્સ બનાવવાના ગુન્હાના યુવક બે દિવસમાં બે વખત પોલીસ સ્ટેશને આવ્યો હતો. પ્રથમ વખત કાયદાના ઉલ્લંઘન બદલ ભારે દંડ ફાટકારાયો હતો. 

પોલીસે કરી કાર્યવાહી

પોલીસ ઝપટે ચડેલ આ આરોપીનું નામ આશિષ ગૌતમ હોવાનું જાણવા મળી રહ્યું છે. ટાટા સફારી કાર પરનો સ્ટંટનો વીડિયો વાયરલ થયા બાદ લખનઉ ટ્રાફિક પોલીસે કાર્યવાહી કરી ટ્રાફિકના નિયમોનું ઉલ્લંઘન બદલ આરોપી આશિષ ગૌતમને 26,000 રૂપિયાનો દંડ ફટકાર્યા હતો. બાદમાં છોડી મુક્યો હતો.બાદમાં ગોમતીનગર પોલીસે યુવકને તેના સાથી અને કાર સહિત કસ્ટડીમાં લીધો છે. બાદશાહ ગીત પર સ્ટાઈલ મારતા અને એસયુવી સાથે સ્ટંટ કરતા યુવકનો વીડિયો સોશિયલ મીડિયા પર વાયરલ થયો હતો. 

બાદશાહની ભારે મજાક

બાદમાં પોલીસે આરોપી સામે કાર્યવાહી કરી હતી. જેને પગલે લોકો પણ સોશિયલ મીડિયા  બાદશાહની બરોબરની મજાક કરી રહ્યા છે. 'કાર શોરૂમમાંથી મળી શકે છે, પરંતુ તમને મગજ ક્યાંથી મળશે'? તેવી લોકો શિખામણ આપી રહ્યા છે.સોશિયલ મીડિયાનો બાદશાહ એટલાથી ન અટક્યો હોય તેમ ફરી એક વખત રીલ્સને એવી શરૂઆત થઈ કે ફરી એકવાર તેમના એક્સિલરેટરને દબાવ્યું છે. રસ્તા પર લહેરાતી ગાડીઓ અને બેકગ્રાઉન્ડમાં 'બાદશાહ ઓ બાદશાહ' વગાડતી જોવા મળી હતી. આ વીડિયો ફરી સામે આવ્યા બાદ ગોમતીનગર પોલીસ સ્ટેશને આશિષ ગૌતમને પોતાની કસ્ટડીમાં લીધો હતો. વાહન પણ જપ્ત કરવામાં આવ્યું છે. બાદમાં લખનૌ પોલીસે તેના સીન સપાટા વીંખી નાખ્યા હતા.