બજેટ 2024 / બજેટ 2024: બજેટના દિવસે જ મોંઘવારીનો માર, LPG સિલિન્ડરના ભાવમાં વધારો, ચેક કરો નવો રેટ

• બજેટ પહેલા મોંઘવારીનો માર 
• LPG સિલિન્ડરના ભાવમાં વધારો 
• જાણો શું છે નવા રેટ્સ 

આજે સંસદમાં નાણામંત્રી નિર્મલા સીતારમણ વચગાળાનું બજેટ રજૂ કરશે. પહેલા જ દેશ મોંઘવારીનો માર સહન કરી રહ્યો છે અને હવે ઓઈલ માર્કેટિંગ કંપનીઓએ 19 કિલોગ્રામ વાળા કોમર્શિયલ ગેસ સિલિન્ડરના ભાવમાં વધારો કર્યો છે. 

IOCLની વેબસાઈટ અનુસાર તેની કિંમતોમાં 14 રૂપિયાનો વધારો કરવામાં આવ્યો છે. જેના બાદ રાજધાની દિલ્હીમાં એક કોમર્શિયલ સિલિન્ડરની કિંમત વધીને 1769.50 રૂપિયા થઈ ગઈ છે. નવી કિંમતો 1 ફેબ્રુઆરી 2024થી લાગુ થઈ ગઈ છે. 

19 કિલોગ્રામ વાળા સિલિન્ડર થયા મોંઘા
લેટેસ્ટ ફેરફાર બાદ જ્યાં દિલ્હીમાં 19 કિલોગ્રામ વાળા કોમર્શિયલ ગેસ સિલિન્ડરના ભાવ 1755.50 રૂપિયાથી વધીને 1769.50 રૂપિયા કરી દોવામાં આવ્યા છે ત્યાં જ મહાનગરોની વાત કરવામાં આવે તો કલકત્તામાં એક સિલિન્ડર 1869 રૂપિયા વધીને 1887 રૂપિયા કરી દેવામાં આવ્યો છે.

વધુ વાંચો: ક્યાંથી આવ્યો બજેટ શબ્દ? કેમ અંતરિમ બજેટમાં સરકાર નથી કરતી મોટા એલાન, કારણો જાણવા જેવા

મુંબઈમાં પહેલા જે કોમર્શિયલ સિલિન્ડર 1708 રૂપિયામાં મળી રહ્યો હતો તે હવે 1723 રૂપિયામાં મળશે. ત્યાં જ ચેન્નાઈમાં તેની કિંમત 1924.50 રૂપિયાથી વધીને 1937 રૂપિયા થઈ ગઈ છે.