લાઇફસ્ટાઇલ / ગરમીમાં વજન ઘટાડવા કરો છો સ્વિમિંગ? તો ક્યારેય ન કરતા આવી ભૂલો, નહીં તો...

• સ્વિમિંગ એક શાનદાર કસરત
• સ્વિમિંગ કરતા સમયે આ બાબતોનું ધ્યાન રાખવું
• વજન ઓછું થાય છે અને કમરના દુખાવાથી રાહત મળે છે

 ગરમીમાં વજન ઓછું કરવા માટે મોટાભાગના લોકો સ્વિમિંગ ક્લાસ જોઈન કરે છે. શરીરમાં કેલરી બર્ન કરવા માટ સ્વિમિંગ એક શાનદાર એક્સરસાઈઝ ગણવામાં આવે છે. સતત સ્વિમિંગ કરવાથી વજન ઓછું થાય છે અને કમરના દુખાવાથી રાહત મળે છે. સ્વિમિંગ દરમિયાન શરીરના અનેક મસલ્સ એકસાથે કામ કરે છે અને શરીરનું મેટાબોલિઝમ વધે છે. ઉપરાંત અસ્થમા, મલ્ટીપલ સ્કેલેરોસિસ, ઈંસોમ્નિયા અને તણાવ પણ દૂર થાય છે. આરોગ્યની દ્રષ્ટીએ સ્વિમિંગ એક શાનદાર કસરત છે. સ્વિમિંગ કરતા સમયે આ બાબતોનું ધ્યાન રાખવું જોઈએ. 

દારૂ પીને સ્વિમિંગ કરવું
અનેક લોકો એન્જોય કરવા માટે દારૂ પીને સ્વિમિંગ કરે છે. આ પ્રકારે કરવું તે ઘાતક સાબિત થઈ શકે છે. દારૂનું સેવન કરવાથી વિચારવાની અને પ્રતિક્રિયા આપવાની ક્ષમતા ઓછી થઈ જાય છે. વિશ્વ સ્વાસ્થ્ય સંગઠનના રિપોર્ટ અનુસાર વિશ્વમાં 2,36,00 લોકો સ્વિમિંગ દરમિયાન ડૂબીને મરી જાય છે, જેમાંથી મોટાભાગના મૃત્યુ દારૂના સેવનને કારણે થાય છે. 

ઓછા પાણીમાં ડાઈવ ના મારવી
જો તમે સ્વિમિંગ શીખી રહ્યા છો, તો ઓછા પાણીમાં ડાઈવ ના મારવી જોઈએ. ડાઈવ મારતા પહેલા પાણીના ઊંડાણ વિશે જાણકારી મેળવી લેવી જોઈએ. ઓછા પાણીમાં ડાઈવ લગાવવાથી ઈજા થવાનું જોખમ રહે છે. 

તરતા સમયે હંમેશા ગોગલ્સ પહેરો
સ્વિમિંગ અથવા નદી નહેરના પાણીમાં કેમિકલ તથા બેક્ટેરિયા હોઈ શકે છે, જેના કારણે આંખોમાં ઈન્ફેક્શન થઈ શકે છે. આંખો ટિશ્યૂ ડેમેજ થવાનું જોખમ રહે છે. તરતા સમયે હંમેશા ગોગલ્સ અથવા સનગ્લાસનો ઉપયોગ કરવાથી આંખો સુરક્ષિત રહે છે. 

સ્વિમિંગ પહેલા વધુ પાણી પીવો
સ્વિમિંગ દરમિયાન વધુ કેલરી બર્ન થાય છે. આ કારણોસર સ્વિમિંગ કરતા પહેલા વધુ માત્રામાં પાણીનું સેવન કરવું જોઈએ. ગરમીમાં ડિહાઈડ્રેશન થવાનું વધુ જોખમ રહે છે. શરીર હાઈડ્રેટ રહે તે માટે નારિયેળ પાણીનું સેવન કરવું જોઈએ. 

સનસ્ક્રીન ના લગાવવી
જો તમે આઉટડોર સ્વિમિંગ કરી રહ્યા છો, તો સનસ્ક્રીન જરૂરથી લગાવવી જોઈએ. સનસ્ક્રીવ ક્રીમ લગાવવાથી ત્વચાને અલ્ટ્રા વાયોલેટ કિરણો સામે રક્ષણ મળે છે અને સન ટેનિંગનુ જોખમ પણ ઓછું રહે છે. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)