લવ સ્ટોરી / ઓહ બાપ રે ! લગ્ન કરીને છોકરીએ સખીને કરી પ્રેગનન્ટ કે બીજું કંઈ? લેસ્બિયન કપલનો ચોંકાવનારો કિસ્સો

• લેસ્બિયન યુવતીઓની લવ સ્ટોરી ખૂબ જ ચર્ચામાં
• દક્ષિણ કોરિયામાં કિમ ક્યૂ-જિન અને કિમ સે-યોનને લગ્ન કર્યા
• બાળકને જન્મ આપવા માટે તેને બીજા દેશમાં જવું પડ્યું

સોશિયલ મીડિયામાં બે લેસ્બિયન યુવતીઓની લવ સ્ટોરી ખૂબ જ ચર્ચામાં છે. દક્ષિણ કોરિયામાં રહેતી કિમ ક્યૂ-જિન અને કિમ સે-યોન નામની બન્ને યુવતીઓએ પહેલા લગ્ન કર્યા બાદ એક છોકરી માતા બનવા જઈ રહી છે. ખાસ વાત એ છે કે બાળકને જન્મ આપવા માટે તેને બીજા દેશમાં જવું પડ્યું હતું અને આવું કરવા બદલ તેને ઘર પરિવાર અને સબંધીઓ તરફથી પણ આકરી ટીકા સહન કરવાનો વારો આવ્યો હતો.

વર્ષ 2019માં લગ્ન કર્યા હતા
કિમ ક્યૂ-જિન અને કિમ સે-યોન બંને લેસ્બિયન છે અને તેઓએ વર્ષ 2019માં લગ્ન કર્યા હતા. લગ્નના લાંબા સમય બાદ હવે એક યુવતી બાળકને જન્મ આપવાની છે. પરંતુ હવે દેશના નિયમો અને કાયદાઓ વેરી બની રહ્યા છે. કારણ કે દક્ષિણ કોરિયામાં તેમના લગ્નને માન્યતા મળી ન હતી.

કોરિયામાં તેમના લગ્નને મંજૂરી મળી ન હતી
એક બાજુ દક્ષિણ કોરિયા દેશમાં જન્મ દરને વધારવા નીતિઓ ઘડી અબજો ડોલરનો ખર્ચ કરી રહ્યું છે. પરંતુ કિમ અને તેની પત્ની યોનને બાળકના જન્મ માટે બેલ્જિયમ જવું પડ્યું હતું. કારણ કે, કાયદેસર રીતે દક્ષિણ કોરિયામાં તેમના લગ્નને મંજૂરી મળી ન હતી. લેસ્બિયન કપલના લગ્નની નોંધણીની સિઓલ શહેરના અધિકારીઓએ મનાઈ કરી દીધી હતી બાદમાં દંપતિ ન્યુયોર્ક, યુએસએમાં નોંધાયેલ છે. દક્ષિણ કોરિયામાં લેસ્બિયનને બાળક માટે અયોગ્ય માનવામાં આવે છે. સ્પર્મ બેંક પણ નથી. પરિણામે તેઓએ બેલ્જિયમમાં જઈ સ્પર્મ ડોનરની મદદથી ગર્ભવતી બની હતી. IVF ટેક્નોલોજી દ્વારા તેણી માતા બની છે અને 8 મહિનાનો ગર્ભ છે.

ટોણા મારી લોકો કરી રહ્યા છે  ટ્રોલ
આપવીતી જણાવતા યોને કહ્યું હતું કે દક્ષિણ કોરિયામાં, જે લોકો તેના દેશમાં ચાલી રહી છે તે સિસ્ટમથી વિરુદ્ધ માતાપિતા બનવાનો પ્રયાસ કરે છે તેઓ ખૂબ દુઃખ અને ટીકા ભોગવી રહ્યા છે. વધુમાં 'લેસ્બિયનોએ બાળકોને જન્મ ન આપવો જોઈએ' તેવા ટોણા મારી લોકો ટ્રોલ કરી રહ્યા હોવાનું તેણીએ જણાવ્યું હતું. બાળકને જન્મ આપ્યા બાદ પણ દક્ષિણ કોરિયામાં તેમના બાળક પર માતાપિતાના કોઈ કાયદેસર અધિકારો રહેશે નહીં. તબીબી કટોકટી જેવા કેસોમાં બાળકના કાનૂની વાલી તરીકે રજૂ કરી શકાય નહીં. પરિણામે કપલ હવે દેશ બહાર જવાનું પણ વિચારી રહ્યું છે.