ફળદાયી / તમારી કુંડળીમાં જો હશે આ યોગ તો ધનવાન બનતા કોઇ રોકી નહી શકો, જાણો કયા યોગ છે શુભફળ આપનારા

 

• કુંડળીમાં જોવા મળે છે 3 યોગ
• આ યોગ વ્યક્તિને બનાવે છે ધનવાન
• ગ્રહોની ગતિ શુભ-અશુભ ફળ આપે છે 

જ્યોતિષ શાસ્ત્ર અનુસાર કુંડળીમાં હાજર ગ્રહોની સ્થિતિ પરથી ભવિષ્ય જાણી શકાય છે. કુંડળીમાં ગ્રહોના સંયોગથી શુભ અને અશુભ બંને યોગ બને છે. ગ્રહોની શુભ કે અશુભ સ્થિતિ જોઈને વ્યક્તિની પરેશાનીઓ, ધન, કીર્તિ વગેરે જણાવવામાં આવે છે. જ્યોતિષ શાસ્ત્ર અનુસાર કેટલાક લોકો શુભ યોગ વિશે જાણે છે. ત્યારે આવો જાણીએ કે તમારી રાશિમાં કેવા ગ્રહો પડેલા હોય જે શુભ ફળ આપે.

દિવ્ય યોગ

જે વ્યક્તિની કુંડલીમાં ગુરુ સ્વરાશિ એટલે કે ધન, મીન કે ઉચ્ચ રાશિના કેન્દ્ર સ્થાને હાજર હોય તો આ યોગને દિવ્ય યોગ કહેવાય છે. સામાન્ય રીતે આ યોગ મેષ. તુલા, મકર અને કર્ક લગ્નની કુંડળીમાં જોવા મળે છે. જે લોકોની કુંડળીમાં આ યોગ બને છે તેઓ ચારિત્ર્યના સારા અને ઉમદા વિચારોવાળા હોય છે. આવા લોકોનું જીવન સુખી હોય છે.

શષા યોગ

જો જન્મકુંડળીમાં શનિ પ્રથમ, ચોથા, સાતમા કે દસમા ભાવમાં હોય અથવા મકર કે કુંભ રાશિમાં હોય તો શષાયોગ બને છે. આ એક પ્રકારનો રાજયોગ છે. તેમજ શનિ તુલા રાશિમાં બેઠો હોય તો પણ આ યોગ શુભ ફળ આપે છે. જે વ્યક્તિની કુંડળીમાં આ યોગ બને છે તે વ્યક્તિ જીવનમાં ધનવાન બને છે. મેષ, વૃષભ, કર્ક, સિંહ, તુલા, વૃશ્ચિક, મકર અને કુંભ રાશિમાં જન્મેલા લોકોની કુંડળીમાં આ યોગ બનવાની પ્રબળ સંભાવના છે.

રોચક યોગ

જન્મકુંડળીમાં જો મંગળ કેન્દ્ર સ્થાનમાં હોય એટલે કે  પહેલા, ચોથા, સાતમા અને દસમાં ભાવમાં હોય તો અથવા પોતાની ઉચ્ચ રાશિ મકર, મેષમાં હોય તો રોચક યોગ બને છે. જે લોકોની કુંડળીમાં આ યોગ બને છે તેઓ સાહસી અને બળશાળી હોય છે. સાથે આવા લોકો કુશળ વક્તા હોય છે. આ ઉપરાંત આવા લોકો જીવનના દરેક સુખ પ્રાપ્ત કરે છે. રોચક યોગને રાજયોગની શ્રેણીમાં રાખવામાં આવે છે.