મનોરંજન / જેલમાં 10 દિવસ માત્ર પાણી જ પીવા મળ્યું, 10 કિલો વજન ઘટી ગયું, અભિનેતાએ કર્યો દાવો

• જેલમાંથી છૂટયા પછી કેઆરકે તેમના જૂના અંદાજમાં જોવા મળ્યા 
• બહાર આવતાની સાથે જ ટ્વિટ કરવાનો સિલસિલો શરૂ કરી દીધો
• 10 દિવસ લોકઅપમાં માત્ર પાણી સાથે વિતાવ્યા છે - કેઆરકે 

કમાલ આર ખાન એટલે કે કેઆરકે પોતાના વિવાદાસ્પદ નિવેદનો અને ટ્વિટને કારણે હંમેશા ચર્ચામાં રહે છે. હાલમાં જ તેમના એક જૂના ટ્વિટ કેસમાં મુંબઈ એરપોર્ટ પરથી તેની ધરપકડ કરવામાં આવી હતી અને એ પછી થોડા દિવસ જેલમાં રહ્યા બાદ તેમને જામીન મળી ગયા હતા. જેલમાં રહીને આવ્યા પછી તુરંત જ કેઆરકે તેમના જૂના અંદાજમાં જોવા મળી રહ્યા છે. હાલ ફરી કેઆરકેએ એક ટ્વિટ કર્યું છે, જેના કારણે તે ફરી ચર્ચામાં આવી ગયો છે. 

I was surviving with only water for 10 days in lockup. So I have lost 10 kg weight.

— KRK (@kamaalrkhan) September 13, 2022

શું કર્યું ટ્વિટ 
કેઆરકેએ બહાર આવતાની સાથે જ ટ્વિટ કરવાનો સિલસિલો શરૂ કરી દીધો છે અને પહેલું ટ્વિટ કરતાં એમને કહ્યું કે તેને લોકઅપમાં 10 દિવસ પાણી સાથે વિતાવ્યા અને તેનો 10 કિલો વજન ઘટી ગયો છે. એમને તેમના ટ્વિટમાં લખ્યું હતું કે, 'મેં 10 દિવસ લોકઅપમાં માત્ર પાણી સાથે વિતાવ્યા છે અને તેને કારણે મારું વજન પણ 10 કિલો ઘટી ગયું છે.' લોકોને કેઆરકેનો આ દાવો સાચો નથી લાગી રહ્યો અને તેમના આ ટ્વિટ પર કમેન્ટ કરીને પોતાની પ્રતિક્રિયા પણ આપી રહ્યો છે. જેલ માંથી બહાર આવતાની સાથે જ આવું ટ્વિટ કરવાને કારણે KRKને લોકો ટ્રોલ પણ કરી રહ્યા છે. એક યુઝરે લખ્યું, 'ઓ તેરી..સર, તમે હવે 20 કિલોના લાગો છો', તો બીજાએ લખ્યું, 'અરે સર, તમે મુંબઈ જ કેમ ગયા અને ગયા તો ઠીક હવે છૂટી જ કેમ ગયા?' મસ્તી કરતાં કોઈ ત્રીજા યુઝરે લખ્યું કે,  'હું 10 દિવસમાં 10 કિલો વજન કેવી રીતે ઘટાડી શકું?'

આ સિવાય ઘણા લોકો  કેઆરકેને ફિલ્મોની સમીક્ષા કરવા માટે પણ કહી રહ્યા છે.  રણબીર કપૂર અને આલિયા ભટ્ટની 'બ્રહ્માસ્ત્ર'વિશે કોઈ ટિપ્પણી કે કટાક્ષ કરવા માટે પણ આગ્રહ કરી રહ્યા છે. 

તમને જણાવી દઈએ કે વર્ષ 2020માં કરવામાં આવેલ એક ટ્વીટ માટે KRKની ધરપકડ કરવામાં આવી હતી. તે ટ્વીટમાં કેઆરકેએ દિવંગત અભિનેતા ઈરફાન ખાન અને ઋષિ કપૂર પર ખરાબ કટાક્ષ કર્યો હતો. આ સાથે જ વર્ષ 2019માં એક ફિટનેસ ટ્રેનરની છેડતીના આરોપને કારણે તેને જેલમાં પણ રહેવું પડ્યું હતું.