સામુદ્રિક શાસ્ત્ર / તમારા GF કે BF ની હથેળી જોઈને જ જાણી શકો છો અનેક ગુપ્ત રાજ! બનાવટમાં છૂપાયેલા છે અનેક રહસ્ય, જાણો રીત

• શરીરની રચના અને તેના પરના તલ અથવા અન્ય નિશાનો પરથી ઘણું જાણી શકાય છે
• વ્યક્તિની હથેળી નાની હોય તો તેનું જીવન ખૂબ જ સુખી રહેશે
• પૈસાની અછત હોવા છતાં આવા લોકોના જીવનમાં સુખ-સુવિધાઓની કોઈ કમી હોતી નથી

Samudrik shastra tips: સનાતન ધર્મમાં વ્યક્તિની કુંડળીનું વિશેષ મહત્વ છે, આ કુંડળી જોઈને જ્યોતિષીઓ તે વ્યક્તિના જીવનમાં આવનારી ઘણી મોટી ઘટનાઓ વિશે અગાઉથી માહિતી આપે છે. આ સિવાય તમારી જન્મકુંડળી એ પણ જણાવે છે કે, ભાવિ જીવન કેવું રહેવાનું છે. એ જ રીતે, સામુદ્રિક શાસ્ત્રમાં, શરીરની રચના અને તેના પરના તલ અથવા અન્ય નિશાનો પરથી ઘણું જાણી શકાય છે. સમુદ્રશાસ્ત્રના નિષ્ણાતો કહે છે કે વ્યક્તિની હથેળી જોઈને તેના ભાગ્ય વિશે ઘણું કહી શકાય છે. તેમાંથી કેટલીક બાબતોનો અહીં ઉલ્લેખ કરવામાં આવી રહ્યો છે.

નાની હથેળીનો મતલબ 
જો કોઈ વ્યક્તિની હથેળી નાની હોય તો એવું માનવામાં આવે છે કે તેનું જીવન ખૂબ જ સુખી રહેશે. જેમની હથેળી નાની હોય તેમના માટે કહેવાય છે કે તેઓ સ્પષ્ટ મનના લોકો છે. આ સિવાય નાની હથેળીવાળા લોકોને વસ્તુઓ જાણવા અને સમજવાની ઘણી ઈચ્છા હોય છે.

મોટી હથેળીનો મતલબ
સામુદ્રિક શાસ્ત્રના નિષ્ણાંતોનું કહેવું છે કે, જેમની હથેળી મોટી હોય છે તેમને આર્થિક સમસ્યાનો સામનો કરવો પડે છે. આવા લોકોની સામે હંમેશા પૈસાની અછત રહે છે, પરંતુ તેમના જીવનમાં હંમેશા ખુશીઓ અકબંધ રહે છે. પૈસાની અછત હોવા છતાં આવા લોકોના જીવનમાં સુખ-સુવિધાઓની કોઈ કમી હોતી નથી.

નરમ અને કડક હથેળનો મતલબ
નરમ હથેળીઓ વાળા લોકો માટે સામુદ્રિક શાસ્ત્રમાં કહેવામાં આવ્યું છે કે આવા લોકોને ખૂબ જ સુખ હોય છે. બીજી બાજુ, જો આપણે કડક હથેળીવાળા લોકોની વાત કરીએ તો, આવા લોકો ખૂબ જ મહેનતુ હોય છે અને તેમની મહેનતથી સુખ અને સુવિધાઓ મેળવે છે. કડક હથેળીવાળા લોકો માટે એવું કહેવાય છે કે આ લોકોમાં સમય વ્યવસ્થાપનની કળા જબરદસ્ત હોય છે અને તેઓ ઉત્પાદકતાની દ્રષ્ટિએ પણ વધુ સારા હોય છે.

DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી અમારી નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.