ચકચાર / રાજકોટમાં મહિલા પોલીસનું બીજી વાર કિડનેપિંગ થતાં ખળભળાટ: યુવક સાથે કરવામાં આવ્યા હતા મૈત્રી કરાર

• રાજકોટ સિટી પોલીસ સ્ટેશનમાં ફરજ બજાવતા મહિલા કોન્સ્ટેબલ મણી ચૌધરીનું અપહરણ 
• અજાણ્યા શખ્સોએ મહિલા કોન્સ્ટેબલ મણી ચૌધરીનું કર્યું અપહરણ 
• હબીપુરા ગામમાંથી મણી ચૌધરીનું અપહરણ થયાની માહિતી 

રાજકોટ શહેરમાં ખળભળાટ મચાવી દેતી ઘટના સામે આવી છે જેમાં રાજકોટ સિટી પોલીસ સ્ટેશનમાં ફરજ બજાવતા મહિલા કોન્સ્ટેબલ મણી ચૌધરીનું અપહરણ થયું હોવાનુ બહાર આવ્યું છે. આ મામલો ધ્યાને આવતા જ હાલ તરહતરહની ચર્ચાઓ ચાલી રહી છે. જોકે અજાણ્યા શખ્સોએ મહિલા કોન્સ્ટેબલ મણી ચૌધરીનું અપહરણ કર્યું હોવાનો દાવો કરાઈ રહ્યો છે. હાલ આ દિશામાં પોલીસે તપાસના ચક્રો ગતિમાન કર્યા છે.

હબીપુરા ગામમાંથી મણી ચૌધરીનું અપહરણ

પ્રાથમિક માહિતી અનુસાર તેણી રાજકોટ સિટી પોલીસ સ્ટેશનમાં ફરજ બજાવે છે અને આ અગાઉ પણ મહિલા કોન્સ્ટેબલ મણી ચૌધરીનુ અપહરણ થયાની વિગતો બહાર આવી રહી છે. હાલ હબીપુરા ગામમાંથી મણી ચૌધરીને અજાણ્યા શખ્સો ઉઠાવી ગયાનો દાવો કરાઈ રહ્યો છે. મણી ચૌધરીએ અગાઉ એક યુવક સાથે મૈત્રી કરાર કર્યો હોવાનું પણ જાણવા મળી રહ્યું છે.

મણી ચૌધરીએ યુવક સાથે કર્યા છે મૈત્રી કરાર
અગાઉ પ્રેમી સાથે ભાગી જવાના કારણે કોન્સ્ટેબલ મણી ચૌધરી ચર્ચામાં આવ્યા હતા.  બાદમાં ગત જુલાઈ માસમાં તેનું અપહરણ થયું હતું.જે વખતે મણી ચૌધરી વડોદરા જિલ્લાના ડેસર પોલીસ મથકમાં ફરજ બજાવતા હતા. તે ફરજ પરથી ઘરે જઈ રહી હતી હતી તે દરમિયાન કારમાં આવેલા 3 શખ્સો ઉઠાવી ગયા હતા.