પટના વાળા ખાન સર (Khan Sir) સોશ્યલ મિડીયા પર ખુબ ફેમસ છે પરંતુ તે કેટલાક ટોપિકના કારણે ચર્ચામાં છે. બિહારી અંદાજમાં બાળકોને ભણાવનાર આ શિક્ષક વિવાદોમાં આવી ગયા છે. તેવામાં જ ટ્વિટર પર #khansirpatna ટ્રેન્ડ થઇ રહ્યું છે.
કોણ છે ખાન સર?
પટનામાં એક શિક્ષક છે જે યુટ્યુબ પર ભણાવે છે અને તેમને લોકો ખાન સર (Khan Sir) તરીકે ઓળખે છે. થોડા સમય પહેલા એક વીડિયો આવ્યો હતો જેણે ભારે વિવાદ સર્જ્યો અને ખાન સર (Khan Sir) ટ્રેન્ડ થવા લાગ્યા હતા.
શું હતુ વીડિયોમાં ?
ખાન સરના જે વીડિયોને લઇને વિવાદ સર્જાયો છે તે વીડિયોમાં ફ્રાંસ અને પાકિસ્તાન વચ્ચેના સંબંધો પર કહી રહ્યાં છે. તે તસવીરમાં પાકિસ્તાનમાં ફ્રાંસના રાજદૂતને તેમના દેશ પરત મોકલવા માટે વિવાદ ચાલી રહ્યો છે જેમાં એક પોઇન્ટ પર ખાન સર (Khan Sir) બાળકની તસવીર બતાવીને કહે છે કે, બાળકો તમે ભણી લો, અબ્બાના કહેવા પર કંઇ કામ ન કરો, અબ્બા તો પંચર કરી જ રહ્યાં છે તમે ભણો. આ વાત પર એક વર્ગ તેનાથી નારાજ થઇ ગયો હતો.
લોકો કરી રહ્યાં છે સપોર્ટ
ખાન સર (Khan Sir)થી એક વર્ગ નારાજ થયો ત્યારે તેને બોયકોટ કરવા માટેના હેશટેગ ટ્રેન્ડ થયા હતા પરંતુ હવે પબ્લિક તેમના સપોર્ટમાં છે. ખાન સર (Khan Sir)નો એક વીડિયો આવ્યો છે અને તેના પરથી લોકો અંદાજ લગાવી રહ્યાં છે કે ખાન સર યુટ્યુબ છોડી દેશે પરંતુ વિદ્યાર્થીઓ તેમને વિનંતી કરી રહ્યાં છે કે 'સર પ્લીઝ યુટ્યુબ ન છોડતા'
હવે યુટ્યુબ પર વિડીયો મૂકશે કે નહિ, તે હવે દર્શકો પર છોડ્યું
માત્ર સ્ટુડન્ટ્સ જ નહીં, કોર્પોરેટ્સથી માંડીને મોટા મોટા અધિકારીઓ પણ તેમની આગવી શૈલીના ચાહક છે. યુ ટ્યુબ પર તેમને 9 મિલિયનથી પણ વધુ લોકો ફોલો કરે છે. ઘણું રિસર્ચ કરી તેઓ લોકો સમક્ષ પોતાના વિડીયો મૂકે છે. પણ આ વિડિયોમાં તેમનું એવું પણ કહેવું છે કે તેઓ આગળ હવે વિડીયો મૂકશે કે નહીં?
અસલી નામ છુપાવવાનો આરોપ મૂકવામાં આવી રહ્યો છે
તેમના પર પોતાનું અસલી નામ છુપાવવાનો આરોપ મૂકવામાં આવી રહ્યો છે અને એવું કહેવામાં આવી રહ્યું છે કે ખાન સરને બદલે તે અમિત સિંહ છે, ખાન સર આ બાબતે ખુદ આગળ આવ્યા હતા. અને સ્પષ્ટતા આપતાં, તેમણે એક વિગતવાર વિડિઓ શેર કર્યો છે.
તમને જણાવી દઈએ કે 'ખાન સર' સ્પર્ધાત્મક પરીક્ષાઓની તૈયારી કરતા વિદ્યાર્થીઓ માટે વિવિધ વિષયો પર તેની વિડિઓ બનાવે છે અને પટનામાં 'ખાન જીએસ રિસર્ચ સેન્ટર' નામની તેમની સંસ્થા ચલાવે છે. દેશ અને દુનિયાના તમામ મુદ્દાઓ પર તેઓ એકદમ સરળ અને રસપ્રદ ભાષામાં સમજૂતી આપતા હોય છે. સાથે સાથે રમૂજી કિસ્સાઓ પણ તેઓ કહેતા હોય છે. પણ છેલ્લા ઘણા સમયથી તેઓ પોતાના નામને લઈને ચર્ચામાં આવી રહ્યા છે.
ખાન સરે 24 એપ્રિલના રોજ વિડીયો અપલોડ કર્યો હતો
24 તારીખે આ વિડીયો વાયરલ થયા બાદ લોકો તેમને મુસ્લિમ વિરોધી માનવા લાગ્યા હતા, તેમણે પાકિસ્તાનમાં ફ્રાંસના વિરોધમાં થઈ રહેલ પ્રદર્શન વાળો એક વિડીયો મૂક્યો હતો. પાકિસ્તાનમાં રહેલ ફ્રાન્સના રાજદૂતને તેના દેશ પાછા મોકલી દેવા માટે પાકિસ્તાનના અમુક શહેરોમાં વિરોધ થઈ રહ્યો હતો. હવે આ વિડીયો આવ્યા બાદ જ તેમના નામ પર સવાલો ઉઠવા લાગ્યા હતા. સોશ્યલ મીડિયા પર હવે તેમના ધર્મને લઈને વિવાદ શરૂ થઈ ગયો છે. હવે ખાન સરની સાચી ઓળખ શું છે તે સન્સપેન્સ જ છે. સૌથી મોટી વાત એ છે કે તેમણે પોતે જ આ વાતને એક રહસ્ય બનાવીને મૂકી દીધી છે. તેઓ કહે છે કે "તમે મારા ધર્મને ટ્રેન્ડમાં લાવ્યા કરતાં દેશની ચિંતા કરો. મારા વિડીઓ દેશ વિરોધી કે ધર્મ વિરોધી નહીં, પણ ખોટી માનસિકતા વિરુદ્ધ હોય છે. જે કઈ પણ ખોટું છે તે સ્પષ્ટ કરવાના હેતુથી હું તેવા વિષય પસંદ કરું છું"
