સમસ્યા / ચોમાસા પહેલા જ અમદાવાદમાં ખાડારાજ: બાપુનગર ચાર રસ્તા નજીક ભુવો પડતા સ્થાનિકો પરેશાન, તંત્રએ બેરીકેટ લગાવી સંતોષ માન્યો

• રસ્તાઓ પર ચોમાસા પહેલા જ ખાડારાજ
• બાપુનગર ચાર રસ્તા પાસે પડ્યો ખાડો
• માત્ર બેરીકેટ લગાવવાની જ કામગીરી

અમદાવાદના રસ્તાઓ પર ચોમાસા પહેલા જ ખાડારાજ જોવા મળી રહ્યું છે. ત્યારે બાપુનગર ચાર રસ્તા પાસે ખાડો પડતા વાહન ચાલકોને ભારે મુશ્કેલીનો સામનો કરવાનો વારો આવ્યો છે. ત્યારે એક અઠવાડિયા બાદ ખાડાની આસપાસ બેરીકેટ લગાવવામાં આવ્યા છે. ત્યારે અકસ્માત ન સર્જાય તે માટે ખાડાની આસપાસ કોર્પોરેશન દ્વારા બેરીકેટ લગાવી સંતોષ માન્યો હતો. ત્યારે કોર્પોરેટર અશ્વિન પેથાણીની ઓફિ પાસે જ ખાડો પડ્યો છતાં કામગીરીમાં ઢીલાશ જોવા મળી રહી છે. ટ્રાફિક જામની સમસ્યાથી લોકોને ભારે મુશ્કેલી ભોગવવાનો વારો આવ્યો છે. 

ખાડાને પુરવાની જગ્યાએ તેની આજુબાજુ બેરીકેટ ગોઠવી દીધા
બાપુનગર ચાર રસ્તા પાસે છેલ્લા ત્રણ દિવસથી ખાડો પડેલ હોવા છતાં કોર્પોરેશન દ્વારા અકસ્માત સર્જાતો હોવાની રાહ જોવાઈ રહી છે. તેમ ખાડાને પુરવાની જગ્યાએ તેની આજુબાજુ બેરીકેટ ગોઠવી દેવામાં આવ્યા છે. ત્યારે બેરીકેટના લીધે લોકોને ભારે મુશ્કેલીનો સામનો કરવો પડી રહ્યો છે. ત્યારે રાહદારીઓની માંગ છે કે સત્વરે કોર્પોરેશન દ્વારા આ ખાડો પુરવામાં આવે. 

ભુવો પડતાની સાથે જ તંત્ર દ્વારા પતરા તેમજ બેરીકેટ્સ ગોઠવી દેવાયા
આ બાબતે આ વિસ્તાના રહીશ સોનાગ્રા નિખિલે જણાવ્યું હતું કે ચોમાસામાં તો રોડ ઉપર ભૂવા પડે જ છે. પરંતું હવે તો ભર ઉનાળામાં રોડ પર ભુવા પડી રહ્યા છે. ત્યારે તંત્ર દ્વારા હજુ સુધી ભુવો પુરવામાં આવ્યો નથી.  ભુવો પડતાની સાથે જ તંત્ર દ્વારા ભુવાના પતરાથી ઢાંકી તેની આજુબાજુ બેરીકેટ્સ ગોઠવી દેવામાં આવ્યા છે.