કર'નાટક' / કર્ણાટક CM સંકટ: DKને ડેપ્યુટી પદ મંજૂર નહીં, હાઈકમાન્ડ સામે પહેલા અઢી વર્ષ પર અડ્યા, મેજોરિટી છતાં મુસીબત

• કર્ણાટકમાં CM પદ માટે સતત ચાલી રહ્યું છે મંથન
• ડીકે શિવકુમાર ડેપ્યુટી  CM પદ માટે થયા નામંજૂર
• કહ્યું અઢી-અઢી વર્ષનાં ફોર્મ્યુલામાં પહેલો કાર્યકાળ મને આપો

સૂત્રો અનુસાર ડીકે શિવકુમારે ડેપ્યુટી CM પદ માટે ચોખ્ખી ના પાડી છે. અઢી-અઢી વર્ષની સરકાર રચવાનો પણ ફોર્મ્યુલા ઘડવામાં આવી રહ્યો છે. જેના સમીકરણો પર પણ ખડગે વિચારી રહ્યાં છે. એ સાથે ડીકે શિવકુમારે પહેલાં અઢી વર્ષ તેમને અપાય તેવી પણ માંગ કરી છે. 

ડીકે શિવકુમારે કરી માંગણી
બંને નેતાઓ મુખ્યમંત્રી પદ માટે લડી રહ્યાં છે ત્યારે કોંગ્રેસ કર્ણાટકમાં અઢી-અઢી વર્ષનાં ફોર્મ્યુલા પર પણ ચર્ચા કરી રહી છે. સૂત્રો અનુસાર ડીકે શિવકુમારનું કહેવું છે કે પાર્ટી જો અઢી-અઢી વર્ષની સમજૂતી કરવા ઈચ્છે છે તો પહેલા અઢી વર્ષનું કાર્યકાળ તેમને મળવું જોઈ અને બીજા અઢી વર્ષ સિદ્ધારમૈયાને. ડીકે શિવકુમાર કહે છે કે'કાં તો મને પહેલો કાર્યકાળ આપો અથવા તો મને કંઈ જ નથી જોઈતું. '

વન મેન શૉ નથી ઈચ્છતી પાર્ટી
સૂત્રોથી માહિતી મળી છે કે પાર્ટીનાં હાઈકમાન્ડનું કહેવું છે કે સિદ્ધારમૈયા કે ડીકે શિવકુમાર બંનેમાંથી કોઈ એક વ્યક્તિ એકલા શપથ નહીં લે. આ એક સામૂહિક જવાબદારી છે. સાથે શપથ લેવા માટે 8-10 મંત્રીઓની જરૂરીયાત રહેતી હોય છે. કોંગ્રેસ હાઈકમાન્ડ હવે કર્ણાટકમાં વન મેન શો નથી ઈચ્છતી.