લો બોલો / સાઉથની સુપરસ્ટારે છૂટાછેડા લીધા તો કંગના બોલિવૂડના સુપરસ્ટાર ખાન પર વિફરી, કહી નાંખી આ વાત

• નાગા ચૈતન્ય અને સામંથા અક્કિનેની થયા અલગ
• અભિનેત્રી કંગના રનોતે છૂટાછેડા પર આપ્યું મોટું નિવેદન
• જે લોકો મહિલાને કપડાંની જેમ બદલે છે, તેની પર દયા બંધ કરો

 

 

 

 

View this post on Instagram

 

 

 

 

 

 

 

 

 

 

 

A post shared by Kangana Ranaut (@kanganahot_ranaut)

જે લોકો મહિલાને કપડાંની જેમ બદલે છે, તેના પર દયા ના રાખશો: કંગના

તાજેતરમાં સામંથાએ પોતાના ઈન્સ્ટાગ્રામ પર એક પોસ્ટ શેર કરીને તેના પ્રશંસકોને છૂટાછેડાની માહિતી આપી છે. બંનેએ સહમતીપૂર્વક અલગ થવાનો નિર્ણય કર્યો છે. આ અંગે અભિનેત્રી કંગના રનોતે પણ મોટું નિવેદન આપ્યું છે. કંગનાએ ઈન્સ્ટાગ્રામ સ્ટોરીમાં એક પોસ્ટ લખી જેમાં તેણે બોલીવુડ સુપરસ્ટારને નિશાને લીધા. કંગનાએ લખ્યું, બોલીવુડના એક તલાક એક્સપર્ટના કારણે બંને વચ્ચે છૂટાછેડા થયા છે. કંગનાએ વધુમાં લખ્યું, જ્યારે પણ છૂટાછેડા થાય છે ત્યારે ભૂલ હંમેશા પુરૂષની હોય છે, આ કહેવુ તમને રૂઢીવાદી અને જજમેન્ટલ લાગશે. પરંતુ આ રીતે ભગવાને પુરૂષ અને મહિલાને બનાવ્યાં છે. આ પ્રકારની લોકો પર દયા કરવાનુ બંધ કરો, જે મહિલાને કપડાંની જેમ બદલે છે અને પછી તેને પોતાના સૌથી સારા મિત્ર જણાવે છે. આવામાં 100માંથી એક મહિલા ખોટી હોઈ શકે છે, પરંતુ દરેક નહીં.

 

 

 

 

View this post on Instagram

 

 

 

 

 

 

 

 

 

 

 

A post shared by Samantha (@samantharuthprabhuoffl)

કંગનાએ આમિર ખાનનો કર્યો ઉલ્લેખ

કંગનાએ કહ્યું, ધિક્કાર છે આવા લોકો પર જેને મીડિયા અને તેના પ્રશંસકો તરફથી પ્રોત્સાહન મળે છે. તેઓ મહિલાના વખાણ કરે છે અને મહિલાને જજ કરે છે. છૂટાછેડાની સંસ્કૃતિ પહેલા કરતા ઘણી વધી ગઇ છે. અનુમાન લગાવવામાં આવી રહ્યું છે કે કંગનાએ જે સુપરસ્ટારનો ઉલ્લેખ કર્યો છે, તે આમિર ખાન છે. તાજેતરમાં આમિરે પોતાની બીજી પત્ની કિરણ રાવ સાથે છૂટાછેડા લીધા છે. આ ઉપરાંત તેઓ થોડા દિવસ પહેલાં નાગાર્જુન અને તેના પરિવારને મળવા ગયા હતા. કંગના સિવાય ઘણી સેલિબ્રિટીઓએ દંપત્તિના છૂટાછેડા પર પ્રતિક્રિયા આપી છે.

સામંથાએ આપી હતી માહિતી

ઉલ્લેખનીય છે કે, સોશિયલ મીડિયામાં દક્ષિણ ભારતની ખ્યાતનામ અભિનેત્રી સામંથાએ છૂટાછેડાની માહિતી આપી. તેમણે લખ્યું, અમારા બધા શુભચિંતકો માટે. ખૂબ વિચાર્યા બાદ મેં અને ચૈતન્યએ અલગ થવાનો નિર્ણય કર્યો છે. અમે પતી-પત્નીની જેમ પોતાના રસ્તા અલગ કરવાનો નિર્ણય કર્યો છે.