આક્ષેપ / રિયા સુશાંતને ધમકી આપતી હતી કે હું તારા આ રિપોર્ટ્સ પબ્લિકમાં જાહેર કરી દઈશ : પિતાનો આરોપ

Kinjari

Last Updated: 11:07 AM, 29 July 2020

FOLLOW ON

શેર કરો

સુશાંત સિંહ રાજપૂતના પિતા કે કે સિંહે સુશાંતની ગર્લફ્રેન્ડ રિયા ચક્રવર્તી અને તેના પરિવાર પર આરોપ લગાવ્યા છે અને FIR દાખલ કરી છે. સુશાંતના પિતાએ કહ્યું કે, તે ફિલ્મ લાઇન છોડીને કેરળમાં ઓર્ગેનિક ખેતી કરવા ઇચ્છતો હતો, તેનો મિત્ર મહેશ પણ તેની સાથે કુર્ગ જવા તૈયાર હતો, ત્યારે રિયાએ આ વાતનો વિરોધ કર્યો હતો. રિયાએ કહ્યું કે જો તુ મારી વાત નહી માને તો હું મિડીયામાં તારા મેડિકલ રિપોર્ટ આપી દઇશ અને બધાને કહી દઇશ કે તુ ગાંડો છે.

સુશાંતના પિતાએ રિયા વિરુદ્ધ કરી ફરિયાદ
રિયાએ સુશાંતને આપી હતી ધમકીઓ
પટનામાં નોંધાયો રિયા વિરુદ્ધ કેસ

કે કે સિંહે કહ્યું કે, રિયાએ જોયુ કે સુશાંતનું બેંક બેલેન્સ ઘણુ ઓછુ થઇ ગયુ છે અને તેની વાત નથી માની રહ્યો ત્યારે તેને લાગ્યુ કે સુશાંત કંઇ કામનો નથી રહ્યો. રિયા સુશાંતની સાથે જ રહેતી હતી, તે 8 જૂને સુશાંતના ઘરેથી સામાન, કેશ, ઘરેણા, પાસવર્ડ, ક્રેડિટ કાર્ડ અને પિન નંબર, સુશાંતના દસ્તાવેજ વગેરે લઇને જતી રહી હતી.

વધુમાં તેમણે જણાવ્યુ હતું કે, સુશાંતનો ફોન નંબર રિયાએ બ્લોક કર્યો હતો. જે બાદ સુશાંતે તેની બહેનને ફોન કર્યો હતો અને કહ્યું હતુ કે, રિયા મને ફસાવી દેશે તે બધો સામાન લઇને અહીંથી જતી રહી છે અને મને ધમકી આપી છે કે તારા મહત્વના દસ્તાવેજ અને મેડિકલ રિપોર્ટ મિડીયામાં આપી દઇશ જે બાદ તને કોઇ કામ નહી આપે અને તુ બર્બાદ થઇ જઇશ.

8 જૂનના રોજ સુશાંતની સેક્રેટરી દિશાએ પણ આત્મહત્યા કરી લીધી હતી, જેને રિયાએ જ અપોઇન્ટ કરી હતી. તેની આત્મહત્યા બાદ મિડીયામાં ખબર આવી ગઇ જેનાથી સુશાંત ખૂબ ગભરાઇ ગયો હતો અને તેણે રિયાને ખૂબ કોન્ટેક્ટ કરવાનો પ્રયત્ન કર્યો પરંતુ રિયાએ જવાબ આપ્યો ન હતો.

સંકળાયેલા મુદ્દાઓ

કે કે સિંઘ રાજપૂત રિપોર્ટ્સ રિયા ચક્રવર્તી સુશાંત સિંહ રાજપુત સુશાંત સિંહ રાજપુત આત્મહત્યા Bollywood