રથયાત્રા 2023 / આખરે કેમ સોનાની કુહાડીથી કાપવામાં આવે છે રથયાત્રાના લાકડા, રહસ્ય છે ચોંકાવનારું

• 2 મહિના પહેલા શરી થઈ જાય છે રથયાત્રાની તૈયારી 
• દર્શન માટે હજારોની સંખ્યામાં ભીડ ઉમટી પડી 
• સોનાની કુહાડીથી કાપવામાં આવે છે રથયાત્રાના લાકડા

ઓડિશાના પુરીમાં સ્થિત ભગવાન જગન્નાથનું મંદિર એકલું એવું મંદિર છે જ્યાં જગન્નાથજી પોતાના ભાઈ બલભદ્ર અને બહેન સુભદ્રાની સાથે બિરાજમાન છે. કહેવાય છે કે પુરી ભગવાન જગન્નાથના માસીનું ઘર છે અને આ ત્રણ બહન-ભાઈ પોતાના માસીના ઘરે ફરવા આવ્યા હતા. તે સમયે તેમની તબિયત ખરાબ થઈ જાય છે અને પછી દવા આપીને તેમને સાજા કરવામાં આવે છે.  

આ પરંપરા આજે પણ જગન્નાથ પુરીમાં નિભાવવામાં આવે છે. આજે પણ જગન્નાથ રથયાત્રાથી 15 દિવસ પહેલા ભગવાન બીમાર થઈને એકાંતવાસમાં જતા રહે છે અને કોઈને દર્શન નથી આપતા. પછી 15 દિવસમાં ઠીક થઈને આવે છે અને પોતાના ભક્તોને દર્શન આપે છે. ત્યારે જગન્નાથ રથયાત્રા શરૂ થાય છે. આ રથ યાત્રા સાથે જોડાયેલા ઘણા રહસ્ય અને સ્ટોરી એવી છે જે આજે પણ લોકોને ચોંકાવે છે. 

જગન્નાથ રથ યાત્રા 2023 
આ વર્ષે જગન્નાથ રથ યાત્રા 20 જૂન 2023, મંગળવારે શરૂ થશે અને આ દિવસે ભગવાન જગન્નાથ પોતાના ભાઈ બલભદ્ર અને બહેન સુભદ્રાની સાથે નગરનું ભ્રમણ કરશે. આ રથ યાત્રાની તૈયારીઓ ઘણા મહિના પહેલાથી શરૂ થઈ જાય છે અને તેનાથી સાથે જોડાયેલા અમુક એવા નિયમ છે જેનું આજે પણ સંપૂર્ણ શ્રદ્ધાની સાથે પાલન કરવામાં આવે છે. પરંતુ શું તમે જાણો છો કે જગન્નાથ રથ યાત્રા માટે ઉપયોગ થતા લાકડા સોનાની કુલ્હાડીથી કાપવામાં આવે છે? આવો જાણીએ તેના વિશે ડિટેલ્સમાં. 

સોનાની કુલ્હાડીથી કપાય છે લાકડી 
લોકોને એ વાત સાંભળીને કદાચ થોડું અજીબ લાગશે કે રથ બનાવવા માટે જે લાકડીઓનો ઉપયોગ થાય છે તેને સોનાની કુલ્હાડીથી કાપવામાં આવે છે. રથ બનાવવામાં બે મહિનાનો સમય લાગે છે અને તેની શરૂઆત અખાત્રીજના દિવસથી થાય છે. તેના માટે સૌથી પહેલા લાકડાની પસંદગી કરવામાં આવે છે અને પછી વન વિભાગના અધિકારીઓને મંદિર સમિતિના લોકો સુચના મોકલે છે કે તેમને રથના માટે લાકડા કાપવા છે. 

ત્યાર બાદ મંદિરના પુજારી જંગલ જઈને તે ઝાડની પૂજા કરે છે જેના લાકડા રથના માટે ઉપયોગ થવાના છે. પછી મહારાણા એટલે કે કારપેન્ટર કમ્યુનિટીના લોકો ઝાડ પર સોનાની કુલ્હાડીથી કટ લગાવે છે. કટ લગાવતા પહેલા સોનાની કુલ્હાડીને પહેલા ભગવાન જગન્નાથની પ્રતિમાને સ્પર્શ કરાવવામાં આવે છે અને તેમનો આશીર્વાદ લેવામાં આવે છે.