ખરેખર? / 'ખોટી રીતે ગવાઈ રહી છે હનુમાન ચાલીસા...', જગદગુરુ રામભદ્રાચાર્યએ ગણાવી 4 ભૂલો, કહ્યું સુધાર થવો જોઈએ

• ખોટી રીતે ગવાઈ રહી છે હનુમાન ચાલીસા
• જગદગુરુ રામભદ્રાચાર્યએ ગણાવી 4 ભૂલો
• કહ્યું સુધાર થવો ખૂબ જ જરૂરી છે 

તુલસી પીઠાધીશ્વર જગદગુરૂ રામભદ્રાચાર્યએ કહ્યું છે કે હનુમાન ચાલીસાનો ખોટો પાઠ કરવામાં આવી રહ્યો છે. તેમણે કહ્યું કે અમુક ચોપાઈઓમાં ભુલો છે. આ અશુદ્ધિઓને ઠીક કરવી જોઈએ. તેમનું કહેવું છે કે પબ્લિશિંગના આ કારણે લોકો ખોટા શબ્દોનું ઉચ્ચારણ કરી રહ્યા છે. કથાવાચક રામભદ્રાચાર્ય 3 એપ્રિલથી આગ્રામાં છે. આ સમયે તેમણે ચાર અશુદ્ધિઓ વિશે જણાવ્યું. 

આ ચાર ભૂલોને દૂર કરવા કહ્યું

1. પદ્મવિભૂષણ રામભદ્રચાર્યએ કહ્યું કે હનુમાન ચાલીસાની એક ચોપાઈ છે- "શંકર સુમન કેસરી નંદન..." તેમણે જણાવ્યું કે હનુમાનને શંકરના પુત્ર કહેવામાં આવી રહ્યા છે જે ખોટુ છે. શંકર સ્વયં જ હનુમાન છે, માટે "શંકર સ્વયં કેસરી નંદન" બોલવું જોઈએ.
2. તેમણે કહ્યું કે હનુમાન ચાલીસાની 27મી ચોપાઈમાં બોલાઈ રહ્યું છે- "સબ પર રામ તપસ્વી રાજા", જે ખોટુ છે. તેમણે જણાવ્યું તે તપસ્વી રાજા નહીં... યોગ્ય શબ્દ 'સબ પર રામ રાજ ફિર તાજા' છે. 
3. તેમણે જણાવ્યું કે હનુમાન ચાલીસાની 32મી ચોપાઈમાં 'રામ રસાયન તુમ્હારે પાસ આ સદા રહો રધુવર કે દાસ...' આ ન હોવું જોઈએ. બોલવું જોઈએ, "... સાદર રહો રઘુપતિ કે દાસા."
4. તેમણે જણાવ્યું કે હનુમાન ચાલીસાની 38મી ચોપાઈમાં લખેલું છે- "જો સત બાર પાઠ કર કોઈ..." તેના બદલે હોવુ જોઈએ- "યહ સત બાર પાઠ કર જોહી...."

કોઠી મીના બજારનું નામ બદલવાની માંગ 
રામભદ્રાચાર્યનું કથાવાચન કોઠી મીના બજારમાં ચાલી રહ્યું છે. તેમણે કોઠી મીના બજારનું નામ બદલવાની માંગ કરી છે. તેમણે કહ્યું કે તેનું નામ સીતા બજાર રાખવું જોઈએ. 

રામચરિતમાનસને જાહેર કરવામાં આવે રાષ્ટ્રીય ગ્રંથ 
જગદગુરૂ રામભદ્રાચાર્યએ કહ્યું કે 2024ની લોકસભા ચૂંટણીમાં મોદી સરકાર એક વખત ફરી સત્તામાં આવશે અને દરેક સંત મળીને રામચરિત માનસને રાષ્ટ્રીય ગ્રંથ જાહેર કરશે. દરેક સંત મળીને સરકાર પર દબાણ બનાવશે કે તે આ પ્રસ્તાવને સંસદમાં પાસ કરાવે.