હેલ્થ ટિપ્સ / તમારા પેટમાંથી ગુડગુડ અવાજ આવે છે? તો સાચવજો, આ ગંભીર સમસ્યાનો શિકાર છો

• પેટ ખરાબ થવું કે કારણ વગર તેમાંથી ગુડગુડ અવાજ આવે છે?
• લાંબા સમયથી આ પરેશાની હોય તો તેને ઇગ્નોર ન કરશો
• આંતરડાંના કેન્સર પહેલાં આવી સમસ્યા થતી હોય છે

આજના સમયમાં દર ત્રીજી વ્યક્તિને પેટ ખરાબ હોવાની ગંભીર સમસ્યા જોવા મળે છે. આવા સંજોગોમાં પેટ ખરાબ થવું કે કારણ વગર તેમાંથી ગુડગુડ અવાજ આવવો પણ સામાન્ય છે. યોગ્ય સમયે ભોજન ન કરવાથી પણ તેમ થઈ શકે છે. ખાલી પેટમાં ગેસ બનવાથી પેટમાં ભારેપણું અનુભવાય છે. લાંબા સમયથી આ પરેશાની હોય તો તેને ઇગ્નોર ન કરશો. આ પરેશાની પર ધ્યાન ન આપવાથી ગંભીર સમસ્યા પણ થઈ શકે છે. લાંબા સમય સુધી દવાનું સેવન કરો તો પણ પેટમાં ગુડગુડ અવાજ આવે છે. આવા સંજોગોમાં ડોક્ટર અલ્ટ્રાસાઉન્ડ કે એક્સ-રે કરાવવાનું પણ કહે છે, કેમ કે આંતરડાંના કેન્સર પહેલાં આવી સમસ્યા થતી હોય છે. તેથી કોઈ પણ પ્રકારની સમસ્યા થાય તો તેની અવગણના ન કરતાં નિષ્ણાત ડોક્ટરનો સંપર્ક કરો, જેથી બીમારીનો ઇલાજ સમયસર થઈ શકે.

પેટમાં અવાજ આવવાનાં આ કારણો પણ જાણી લો
- ખાસ કરીને લોકો ભોજનને સારી રીતે અને ચાવીને ખાતા નથી. તેથી પેટમાં ગેસ ભરાઈ જાય છે. તેથી જ્યારે ભોજન અન્નનળીથી નીચે ઊતરે છે તો સાથે હવા પણ અંદર પ્રવેશે છે. આ કારણે પેટમાંથી અવાજ આવવા લાગે છે. 
- ભોજનને પચાવવાની પ્રક્રિયાના સમયે જ્યારે એન્ઝાઇમ્સથી જમવાનું તૂટે છે તો પેટમાં ગેસ બને છે, જે પેટમાંથી અવાજ નીકળવાનું કારણ બને છે.
- કેટલાય કલાકો સુધી કંઈ પણ ખાધા વગર પેટમાં ગેસ થઈ શકે છે, તેનાથી પાચનતંત્ર નબળું પડે છે અને પેટમાંથી અવાજ આવવા લાગે છે. 
શું ધ્યાન રાખશો?
- જમવામાં ફાઇબર અને કાર્બોહાઇડ્રેટથી ભરપૂર પદાર્થોનું સેવન કરો. આદુંને તમારા ડેઇલી રૂટિનમાં સામેલ કરો

- વધુ સમય સુધી ભૂખ્યા રહેવાથી બચો. ભૂખ લાગે તો તાત્કાલિક ચાવીને ભોજન કરો.
- ચા-કોફીનું સેવન ઓછી માત્રામાં કરો
- કોબીજ, બ્રોકલી, બીન્સ વગેરે વસ્તુઓના સેવનથી ગેસની સમસ્યા થાય છે. તેના સેવનથી બચો. રોજ આઠથી દસ ગ્લાસ પાણી પીઓ.
- સૌથી ખાસ ઉપાય-યોગ્ય માત્રામાં ઊંઘ લો.

Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.