બેંગલુરુમાં RCB vs PBKS મેચ સમાપ્ત થયા બાદ વિરાટ કોહલીએ પત્ની અનુષ્કા શર્મા સાથે વીડિયો કોલ પર વાત કરી હતી. હવે એ વાત તો જાણીતી જ છે કે અનુષ્કા તેના બાળકો સાથે લંડનમાં છે અને વિરાટ અહીં ભારતમાં મેચ રમી રહ્યો છે. આ દરમિયાન, વિરાટે તેની મેચ રમ્યા પછી તેના પરિવાર સાથે ફેસટાઈમ કર્યો, જેનો વીડિયો ઇન્ટરનેટ પર વાયરલ થયો છે.
રોયલ ચેલેન્જર્સ બેંગ્લોરના ઓપનર વિરાટ કોહલીએ આ મેચમાં જોરદાર પ્રદર્શન કર્યું અને પ્લેયર ઓફ ધ મેચનો એવોર્ડ જીત્યો. આ પછી તે તેની પત્ની સાથે વીડિયો કોલ કરતો જોવા મળ્યો હતો. સોશિયલ મીડિયા પર વાયરલ વીડિયોમાં જોઈ શકાય છે કે વિરાટ કોહલી તેની પત્ની સાથે તેના બાળકો સાથે વાત કરી રહ્યો હતો.
સોશિયલ મીડિયા પ્લેટફોર્મ પર વાયરલ થયેલા એક વીડિયોમાં, વિરાટને રમુજી ચહેરાઓ બનાવતા અને વર્ચ્યુઅલ કૉલ દ્વારા તેના બાળકો અને પત્ની સાથે સુંદર પળો શેર કરતા જોઈ શકાય છે. સાથે જ એમ પણ જોઈ શકાય છે કે તે વિડીયો કોલ પર ફ્લાઈંગ કિસ આપી અને ઘણી વાતો બાદ થોડા સમય પછી કોલ કરવાનું પણ કહી રહ્યો છે.
વિરાટ અને અનુષ્કા વચ્ચે ફરી એકવાર આ ક્યૂટ કેમેસ્ટ્રી જોઈને ચાહકો સોશિયલ મીડિયા પર ઘણા એમના ઘણા વખાણ કરી રહ્યા છે. જાણીતું છે કે વિરાટ કોહલીએ બે મહિનાના વિરામ બાદ IPL 2024માં પ્રવેશ કર્યો. તે છેલ્લે આ વર્ષે જાન્યુઆરીમાં પ્રોફેશનલ મેચ રમતા જોવા મળ્યો હતો. આ પછી હવે માર્ચમાં તે IPL રમવા આવ્યો હતો.
વધુ વાંચો: RCB સામે હાર બાદ શિખર ધવને જણાવ્યા મેચના ટર્નિંગ પોઈન્ટ, કહ્યું "અમારે આની કિંમત ચૂકવવી પડી..."
વિરાટ ફેબ્રુઆરીમાં બીજા બાળકનો પિતા બન્યો અને પત્ની અનુષ્કા શર્માએ પુત્રને જન્મ આપ્યો છે. અકાયના જન્મના કારણે વિરાટ કોહલીરમતથી દૂર હતો અને હવે વીડિયોમાં જોઈ શકાય છે કે તે તેને અને તેના પરિવારને મિસ કરી રહ્યો છે.
