નિવેદન / 10-15 વર્ષમાં દુનિયાની ત્રીજી મોટી ઈકોનોમી બની જશે ભારત- નિર્મલા સીતારામણની આગાહી

• દિલ્હીમાં અમેરિકા અને ભારતના નાણામંત્રી મળ્યાં
• સીતારામણે કહ્યું- ભારત 10-15 વર્ષમાં બનશે દુનિયાની ત્રીજી મોટી ઈકોનોમી
• અમેરિકાના ટ્રેઝરી સેક્રેટરી જેનેટ યેલેન અને સીતારામણ વચ્ચે મુલાકાત 

નાણામંત્રી નિર્મલા સીતારમણે કહ્યું છે કે ભારત આગામી 10-15 વર્ષમાં દુનિયાની ત્રીજી સૌથી મોટી અર્થવ્યવસ્થા બની જશે. શુક્રવારે અમેરિકાના ટ્રેઝરી સેક્રેટરી જેનેટ યેલેન સાથે એક કાર્યક્રમમાં બોલતા સીતારમણે કહ્યું કે ભારત આગામી 10-15 વર્ષમાં વિશ્વની ત્રીજી સૌથી મોટી અર્થવ્યવસ્થા બની જશે. આ પહેલા સીતારમણે અમેરિકાના ટ્રેઝરી સેક્રેટરી જેનેટ યેલેન સાથે મુલાકાત કરી હતી, જે એક દિવસના ભારત પ્રવાસે છે.

India deeply values its relationship with the US as a trusted partner... Our strong ties have been reinforced, through significant & frequent interactions b/w PM of India & President of US & their commitment towards consolidating a strategic partnership: FM Nirmala Sitharaman pic.twitter.com/MRCIrXyDEG

— ANI (@ANI) November 11, 2022

ભારત અને અમેરિકા દ્વિપક્ષીય સંબંધોને વધુ મજબૂત બનાવશે
નાણામંત્રી નિર્મલા સીતારમણે શુક્રવારે કહ્યું કે ભારત અને અમેરિકા દ્વિપક્ષીય સંબંધોને વધુ મજબૂત બનાવશે. 9મા ભારત-અમેરિકા નાણાકીય ભાગીદારી સંવાદની શરૂઆત પહેલા અમેરિકાના ટ્રેઝરી સેક્રેટરી જેનેટ યેલેન સાથે સંયુક્ત રીતે મીડિયાને સંબોધિત કરતા સીતારમણે કહ્યું કે દ્વિપક્ષીય વાતચીતથી અમેરિકા સાથે લાંબા સમયથી ચાલી રહેલા સંબંધો વધુ મજબૂત થશે.

ભારત ત્રીજી સૌથી મોટી અર્થવ્યવસ્થા બનશે
સીતારામને કહ્યું કે ભારત વિશ્વની સૌથી ઝડપથી વિકસતી મોટી અર્થવ્યવસ્થાઓમાંની એક તરીકે ઉભરી આવ્યું છે. તેમણે કહ્યું હતું કે, ભારત તાજેતરમાં જ યુકેને પાછળ છોડીને વિશ્વની પાંચમી સૌથી મોટી અર્થવ્યવસ્થા બની ગયું છે અને આગામી 10-15 વર્ષમાં વૈશ્વિક સ્તરે ટોચની ત્રણ આર્થિક શક્તિઓમાંનું એક બની જશે.

ભારત અને અમેરિકા મહત્વપૂર્ણ ભાગીદાર
નાણાં પ્રધાને જણાવ્યું હતું કે, પીએમ મોદી અને અમેરિકન રાષ્ટ્રપતિ જો બાયડન વચ્ચે મહત્વપૂર્ણ અને વારંવારની વાતચીત અને વ્યૂહાત્મક ભાગીદારીને મજબૂત કરવાની પ્રતિબદ્ધતાએ અમારા મજબૂત સંબંધોને પહેલા કરતા વધુ મજબૂત બનાવ્યા છે." નાણામંત્રીએ કહ્યું કે ભારત એક વિશ્વસનીય ભાગીદાર તરીકે અમેરિકા સાથેના પોતાના સંબંધોને ખૂબ મહત્વ આપે છે.