વિવાદ / જો ખુન ગિરા પર્વત પર વો ખૂન થા હિન્દુસ્તાની...જાણો ગલવાનમાં શહીદ થયેલ રણબંકાઓના નામ

• ભારત-ચીન વચ્ચે હિંસક ઘર્ષણ
• ઘર્ષણમાં ભારતના 20 જવાન શહીદ
• LAC પર શહીદ જવાનના નામ જાહેર

દેશમાં આ જવાનોની શહાદતને લઇને ગુસ્સો છે અને તમામ લોકો ચીનથી બદલો લેવાની વાત કરી રહ્યા છે. આ જવાનોના પરિવારોએ કહ્યું છે કે, અમને ગર્વ છે કે, અમારા પરિવારના એક સભ્યએ દેશ માટે બલિદાન આપ્યું. 

શહીદ થયેલ 20 જવાનોની યાદી 

આપે જણાવી દઇએ કે, શહીદોના લિસ્ટમાં દેશના અલગ-અલગ હિસ્સાના જવાનો સામેલ છે. કેટલાક હૈદરાબાદથી તો કેટલાક પંજાબથી, આ સિવાય ઉત્તર પ્રદેશ, બિહાર, પશ્ચિમ બંગાળના પણ કેટલાક જવાન સામેલ છે. જેની યાદી નીચે પ્રમાણે છે. 

1. કર્નલ બી.સંતોષ બાબૂ
2. સિપાહી અમન કુમાર
3. નાયક દીપક કુમાર
4. સિપાહી ચંદન કુમાર
5. સિપાહી ગણેશ કુંજામ
6. સિપાહી ગણેશ રામ
7. સિપાહી કે.કે.ઓઝા
8. સિપાહી રાજેશ ઓરાંવ
9. સિપાહી ચંદ્રકાંત પ્રધાન
10. નાયબ સૂબેદાર નંદૂરામ
11. હવાલદાર સુનીલ કુમાર
12. સિપાહી કુંદન કુમાર
13. સિપાહી ગુરતેજ સિંહ
14. સિપાહી અંકુશ
15. સિપાહી ગુરવિંદર સિંહ
16. નાયબ સૂબેદાર સતનામ સિંહ
17. નાયબ સૂબેદાર મનદીપ સિંહ
18. સિપાહી જયકિશોરસિંહ
19. હવાલદાર બિપુલ રોય
20. હવાલદાર કે.પાલાની 

PM મોદીએ જવાનોની શહાદતને કરી યાદ 

પ્રધાનમંત્રી નરેન્દ્ર મોદી આજે વધતા કોરોનના કેસને લઇને આજે દેશના 15 રાજ્યોના મુખ્યમંત્રીઓ સાથે વીડિયો કોન્ફરન્સના માધ્યમ થકી વાત કરી હતી. તેમની વાતચીતની શરૂઆતમાં તેમણે ગઇકાલની ઘટનાને ફરી એકાવાર યાદ કરતા તેમણે જણાવ્યું હતું કે, અમે કોઇને ઉકસાવતા નથી પરંતુ એકવાત સ્પષ્ટ છે કે, અમે અમારા દેશની અખંડિતતાને જાળવવા માટે સક્ષમ છીએ.

Names of the 20 Indian Army personnel who lost their lives in the "violent face-off" with China in Galwan Valley, Ladakh. pic.twitter.com/GD5HFVr6U8

— ANI (@ANI) June 17, 2020

અમારા જવાન મારતા-મારતા મર્યા છે 

આ સાથે જ દેશના પ્રધાનમંત્રી નરેન્દ્ર મોદીએ ચીનને આડકતરી રીતે ઇશારો કરતા પણ જણાવ્યું હતું કે, દેશની સુરક્ષા કરવામાં અમને કોઇ રોકી નહીં શકે, ભારત શાંતિ ઇચ્છે છે. ભારત શાંતિ ઇચ્છે છે, પરંતુ જવાબ દેવાનું પણ જાણે છે. પ્રધાનમંત્રી નરેન્દ્ર મોદીએ વધુમાં જણાવ્યું હતું કે, અમારા જવાન મારતા-મારતા મરે છે. ભારતને ઉકસાવવાથી યથોચિત જવાબ આપવા માટે સક્ષમ છે.