સ્પોર્ટ્સ / 31 વર્ષે પણ ટીમ ઇન્ડિયાને હાથ લાગી નિરાશા, કેપટાઉનમાં સર્જ્યો ઇતિહાસ છતાંય આ સપનું રહ્યું અધૂરુ

• ટીમ ઇન્ડિયાએ બીજી ટેસ્ટ મેચ જીતીને ઇતિહાસ રચી દીધો હતો. 
• ઇતિહાસ સર્જ્યો હતો પરંતુ સીરિઝ જીતવાનું સપનું અધૂરું રહી ગયું. 
• ટીમ ઈન્ડિયા આ ધરતી પર એક પણ ટેસ્ટ સીરિઝ સીરિઝ નથી. 

પહેલી ટેસ્ટ મેચમાં નબળા પ્રદર્શન બાદ ટીમ ઇન્ડિયાએ બીજી ટેસ્ટ મેચ જીતીને ઇતિહાસ રચી દીધો હતો. ટીમ ઈન્ડિયા અને સાઉથ આફ્રિકા વચ્ચે 2 મેચની ટેસ્ટ સીરિઝની છેલ્લી મેચ કેપટાઉનમાં રમાઈ હતી. બીજી ટેસ્ટમાં ટીમ ઈન્ડિયાએ સાઉથ આફ્રિકાને 7 વિકેટે હરાવી સીરીઝ 1-1થી બરાબર કરી લીધી હતી. 

Congratulations #TeamIndia for levelling the series against South Africa. Our bowlers capitalized on the favorable conditions, with @mdsirajofficial delivering a ruthless performance, securing a 7-wicket haul in the match. @jaspritb1 was clinical in the second innings, ending… pic.twitter.com/U42BOdkx2s

— Jay Shah (@JayShah) January 4, 2024

આ બીજી મેચ ઘણી રીતે ઐતિહાસિક હતી પરંતુ એમ છતાં ટીમ ઈન્ડિયાના હાથે નિરાશ લાગી છે. કારણ કે ટીમ ઈન્ડિયા સાઉથ આફ્રિકામાં આજ સુધી ટેસ્ટ સિરીઝ જીતી શકી નથી, આ વખતે પણ આ ટ્રેન્ડ ચાલુ રહ્યો. હવે આ ટ્રેન્ડને તોડવા માટે ટીમ ઈન્ડિયાએ આવતી મેચ સુધી રાહ જોવી પડશે. 

નોંધનીય છે કે રોહિત શર્માએ વર્લ્ડ કપ 2023 પછી સીધા આ ફોર્મેટમાં ટીમ ઈન્ડિયાની કમાન સંભાળી હતી. ટીમ ઈન્ડિયાને આશા હતી કે આ વખતે તે સાઉથ આફ્રિકામાં ટેસ્ટ સીરિઝ જીતશે. સેન્ચુરિયનમાં રમાયેલી પ્રથમ ટેસ્ટમાં ટીમ ઈન્ડિયા માત્ર ત્રણ દિવસમાં જ ઈનિંગ અને 32 રનથી શરમજનક રીતે હારી ગઈ હતી, જો કે બીજી ટેસ્ટ મેચને બે જ દિવસમાં પૂરી કરીને 7 વિકેટથી જીતીને ઇતિહાસ સર્જ્યો હતો પરંતુ સીરિઝ જીતવાનું સપનું અધૂરું રહી ગયું છે. 

1⃣-1⃣

A well-fought Test Series between the two teams comes to an end 👏👏#TeamIndia | #SAvIND pic.twitter.com/pTsYsYoKGt

— BCCI (@BCCI) January 4, 2024

ટીમ ઈન્ડિયા માટે કેપટાઉનમાં બીજી મેચ જીત ઘણી રીતે ઐતિહાસિક હતી. ટીમ ઈન્ડિયા 1992થી સાઉથ આફ્રિકાની ધરતી પર દ્વિપક્ષીય ટેસ્ટ સીરિઝ રમી રહી છે અને અત્યાર સુધી કુલ 8 ટેસ્ટ સીરિઝ રમી છે. જેમાં 7 સીરિઝમાં હારી તો 1 સીરિઝ ડ્રો થઈ હતી. ટૂંકમાં 31 વર્ષના સમયગાળામાં ટીમ ઈન્ડિયા આ ધરતી પર આજ સુધી એક પણ ટેસ્ટ સીરિઝ સીરિઝ નથી જીતી પણ આ વખતે રોહિતની સેના પાસે ઇતિહાસ રચવાની સુવર્ણ તક હતી પરંતુ તે શક્ય થયું નહીં. 

જો કે આ 31 વર્ષ આ દરમિયાન ભારતના 7 અલગ-અલગ કેપ્ટને આફ્રિકાની મુલાકાત લીધી હતી અને ટેસ્ટ સીરિઝમાં ઘરઆંગણે સાઉથ આફ્રિકાનો સામનો કરનાર રોહિત 8મો કેપ્ટન રહ્યો. ભલે ભારતે સાઉથ આફ્રિકામાં એક પણ ટેસ્ટ શ્રેણી જીતી ન હોય પરંતુ કેપ્ટન ધોનીએ એક સમયે આ ટીમને મોટો પડકાર આપ્યો હતો.

વધુ વાંચો: રોહિત અને વિરાટના T20 કરિયર પર લેવાશે સૌથી મોટો નિર્ણય! વર્લ્ડકપ પહેલા જાણો કેવી હોઈ શકે ભારતીય સ્કવોડ

2010માં સાઉથ આફ્રિકા સામેની ટેસ્ટ સીરિઝ સમયે ધોની ટીમ ઈન્ડિયાના કેપ્ટન હતા અને આ એ વર્ષ હતું જ્યારે આફ્રિકામાં ટીમ ઈન્ડિયાનું સર્વશ્રેષ્ઠ પ્રદર્શન જોવા મળ્યું હતું. 18 વર્ષ બાદ ટીમ ઈન્ડિયા સાઉથ આફ્રિકાથી હાર્યા વગર પરત ફરી અને આ કારનામું ધોનીની કેપ્ટનશીપમાં થયું. 2 ટેસ્ટ મેચની સીરીઝ પ્રથમ વખત 1-1થી ડ્રો થઈ હતી. 

મોહમ્મદ અઝહરુદ્દીન (1992), સચિન તેંડુલકર (1996) અને સૌરવ ગાંગુલી (2001)ની કપ્તાની હેઠળ ભારત સાઉથ આફ્રિકામાં ફેલ ગયું. રાહુલ દ્રવિડ (2006-07), ધોની (2010-11 અને 2013-14) અને વિરાટ કોહલી (2018-19 અને 2021-22) ટેસ્ટ મેચ જીત્યા પરંતુ કોઈપણ સીરિઝ જીતી શક્યા નહીં.