જ્યોતિષ શાસ્ત્ર / માનસિક પીડા, ખર્ચમાં વધારો... આજ રાતથી આ 3 જાતકોની મુશ્કેલીમાં વધારો, કારણ શુક્રનું રાશિ પરિવર્તન

• આર્થિક સ્થિતિ પર અસર પડી શકે છે
• તમારા સ્વાસ્થ્ય પર ખરાબ અસર થઈ શકે છે
• શુક્ર અને ગુરુ એકબીજાના દુશ્મન ગ્રહો છે

જ્યોતિષ શાસ્ત્રમાં શુક્રને ભૌતિક સુખ, સુવિધાઓ, પ્રેમ સંબંધો, સંતાન વગેરે માટે જવાબદાર ગ્રહ માનવામાં આવે છે. શુક્રનું રાશિ પરિવર્તન આજે ગુરુવાર 18 જાન્યુઆરીનાં રોજ રાત્રે 09:05 કલાકે થવાનું છે. શુક્ર, ધન રાશિમાં ગોચર થશે. શુક્રનાં ધન રાશિમાં ગોચર થવાથી તમામ 12 રાશિઓ પર શુભ કે અશુભ પ્રભાવ પડશે. શુક્ર આજથી સોમવાર 12 ફેબ્રુઆરી સુધી ધન રાશિમાં રહેશે. શુક્રના રાશિ પરિવર્તનનાં કારણે આ 3 રાશિના લોકો માટે ખરાબ સમયની શરૂઆત થઈ શકે છે. જ્યારે શુક્ર અશુભ હોય છે અથવા તેની નકારાત્મક અસર પડે છે, ત્યારે તેની વિવાહિત જીવન અને લવ લાઈફ પર ખરાબ અસર પડે છે. અશુભ શુક્રના કારણે બાળકોમાં પણ ખામી સર્જાય છે. વ્યક્તિના જીવનમાં સુખ, સુવિધા અને પ્રેમનો અભાવ રહે છે. 

વાંચવા જેવું: મૃત્યુ પંચમ સમાપ્ત થતાં જ આ તારીખથી લગ્નસરાની સિઝન શરૂ: 4 મહિના ગુંજી ઉઠશે શરણાઈઓ, જાણી લો શુભ તારીખ અને મુહૂર્ત

મિથુન રાશિ 
શુક્રના રાશિ પરિવર્તનને કારણે આજે રાતથી મિથુન રાશિના જાતકોનાં જીવન પર નકારાત્મક અસર પડી શકે છે. આર્થિક સ્થિતિ પર અસર પડી શકે છે. ખર્ચ પર નિયંત્રણ રાખો. વધુ પડતાં ખર્ચને કારણે લોન લેવી પડી શકે છે. 

વૃશ્ચિક રાશિ
તમારા સ્વાસ્થ્ય પર ખરાબ અસર થઈ શકે છે. તમે બીમાર પડી શકો છો. આ સમસ્યાથી બચવા માટે તમારા સ્વાસ્થ્ય પર વિશેષ ધ્યાન આપો. સ્વસ્થ આહારનું સેવન કરો. નિયમિત કસરત અને યોગ કરો. 

ધન રાશિ 
ધન રાશિનાં સ્વામી ગુરુ છે. શુક્ર અને ગુરુ એકબીજાના દુશ્મન ગ્રહો છે. શુક્રના રાશિ પરિવર્તનને કારણે તમારા વ્યાવસાયિક જીવન અને અંગત જીવનમાં તાલમેલનો અભાવ રહેશે. જેના કારણે તમારા સંબંધો પર અસર પડી શકે છે અને તમારે માનસિક પીડામાંથી પસાર થવું પડી શકે છે. આ સાથે તમારા સ્વાસ્થ્ય પર પણ ખરાબ અસર થઈ શકે છે.