સનકી પતિ / પત્નીને ડ્રગ્સ આપી 80 પુરુષો સાથે કરાવ્યો રેપ, પછી હદ વટાવે તેવું કર્યું કામ, રૂંવાડા ઉભા કરી દે તેવો કેસ

• ફ્રાંસના મઝાન સિટીમાં ચોંકાવનારી ઘટના
• આરોપીએ પોતાની જ પત્નીને ડ્રગ્સ આપી અનેક વખત દુષ્કર્મનો શિકાર બનાવી
• આરોપીના મોબાઈલમાંથી 83 વીડિયો મળી આવ્યા

ફ્રાંસના મઝાન સિટીમાં પોતાની જ પત્નીને ડ્રગ્સ આપી અનેક વખત દુષ્કર્મનો શિકાર બનાવ્યાની અનોખી ઘટના સામે આવી છે. એટલું જ નહીં જ્યારે પણ પત્ની દુષ્કર્મનો ભોગ બનતી ત્યારે તેનો પતિ વીડિયો બનાવી લેતો. અંગ્રેજી ન્યૂઝ વેબસાઇટ ડેઇલી મેઇલના રિપોર્ટ પ્રમાણે માથાફરેલા આ પતિની પાસે કુલ 83 એવા વીડિયો મળી આવ્યા છે જેમાં તેની પત્ની પર દુષ્કર્મ આચરવામાં આવતું હોય. એના પણ ચોંકાવનારી વાત એ સામે આવી કે જે લોકોએ આ વ્યક્તિની પત્ની પર દુષ્કર્મ આચર્યું હતું તેઓ આ વ્યક્તિ કે તેની પત્નીને જાણતા જ નથી.તપાસમાં બહાર આવ્યું કે આરોપી પતિ ઇન્ટરનેટ પર એવા ગ્રૂપ સાથે સંકળાયેલો હતો જેમાં મરજી વિરુદ્ધ સેક્સ પર ચર્ચા થતી હતી. 

વીડિયો શોષણ નામના ફોલ્ડરમાં સેવ કર્યા

મહિલાની જાણકારી વગર સંબંધ બનાવવા પર ચાલતા વિધાઉટ હર નોઇંગ નામના ગ્રૂપ સાથે આરોપી ડોમિનિક પી જોડાયેલો હતો. આ ગ્રૂપના સભ્યો અજાણી મહિલાઓ સાથે સંબંધ બનાવતા હતા. આરોપી ડોમિનિકે પોતાની તમામ ફિલ્મોની પેનડ્રાઇવમાં પત્ની પર થયેલા દુષ્કર્મના વીડિયો એમ્યુઝ એટલે કે શોષણ નામના ફોલ્ડરમાં સેવ કર્યા હતા. તપાસમાં બહાર આવ્યું કે આરોપી પતિ પોતાની પત્નીને રાતના ભોજનમાં લોરાજેમ્પ નામનું ડ્રગ્સ ભેળવીને આપતો હતો. 

રપકડ થયેલા વ્યક્તિઓ 26થી લઇને 73 વર્ષની ઉંમર

પોલીસમાં દાખલ ફરિયાદમાં જણાવ્યા પ્રમાણે 51 યુવક વિરુદ્ધ કેસ દાખલ કરી તમામની ધરપકડ પણ કરી લેવામાં આવી છે. મહિલા સાથે દુષ્કર્મના કુલ 92 કેસ દાખલ થયા છે, આ તમામ દુષ્કર્મ વર્ષ 2011થી 2022ની વચ્ચે થઇ હતી. ધરપકડ થયેલા વ્યક્તિઓ 26થી લઇને 73 વર્ષની ઉંમરના છે. તો તેનાથી પણ ચોંકાવનારી વાત એ છે કે પકડાયેલા વ્યક્તિઓમાં કેટલાક રાજકારણી, ફાયર સર્વિસ સાથે જોડાયેલા અધિકારી, જેલના ગાર્ડ, નર્સ અને પત્રકારો પણ  સામેલ છે. જેમાંથી 33  લોકો વર્ષ 2021  સુધી જેલ જઇ ચૂક્યા છે. 

કેવી રીતે મામલો સામે આવ્યો  ?

આરોપી ડોમિનિક પોતાના ઘરની નજીક આવેલી એક માર્કેટમાં સ્કર્ટ પહેરેલી મહિલાઓનો વીડિયો બનાવી રહ્યો હતો. આ બાબતે ફરિયાદ થતાં તેની ધરપકડ કરવામાં આવી હતી. ત્યારબાદ જ્યારે પોલીસે તેની આગવીઢબે પુછપરછ કરી તો આ ચોંકાવનારી વિગત સામે આવી હતી.