હુમલો / ધોરાજીમાં બુટલેગરો વચ્ચે જૂની અદાવતમાં ખેલાયો લોહિયાળ જંગ, સમાધાન માટે બોલાવી કર્યો હિચકારો હુમલો, 10 થી વધુ ઈજાગ્રસ્ત

• બુટલેગરો વચ્ચે જૂની અદાવતમાં મારામારી
• સમાધાન માટે બોલાવ્યા બાદ મારામારી
• છરી, કુહાડી અને ધારિયા સહિતના હથિયારથી મારામારી

રાજકોટમાં ધોરાજીમાં બુટલગરો વચ્ચે જૂની અદાવતને લઈને મારામારી થવા પામી છે. ત્યારે સુપેડી ગામ પાસે નદીનાં પુલ પાસે બુટલેગરો વચ્ચે ખૂની ખેલ ખેલાયો હતો. ઈશ્વરીયા ગામના બુટલેગર અને સુપેડીનાં વિજુડા ગ્રુપ વચ્ચે છુટા હાથની મારામારી થવા પામી હતી.  સમાધાન માટે બોલાવ્યા બાદ બુટલેગરોએ એકબીજા પર હુમલો કર્યો હતો. અચાનક જ સમાધાન કરવાની જગ્યાએ જૂથનાં લોકોએ એકબીજા પર છરી, કુહાડી અને ધારિયા સહિતનાં હથિયાર વડે હીચકારો હુમલો કરતા સમગ્રે વિસ્તારમાં નાસભાગ મચી જવા પામી હતી.  મારામારીની ઘટનામાં 10 થી વધુ લોકો ઈજાગ્રસ્ત થયા હતા. ત્યારે 4 ઈજાગ્રસ્તોને વધુ સારવાર અર્થે જૂનાગઢ રિફર કરવામાં આવ્યા હતા. આ સમગ્ર મામલે ધોરાજી પોલીસે તપાસ હાથ ધરી છે.

પોલીસે ચુસ્ત બંદોબસ્ત ગોઠવ્યો
ધોરાજીમાં છેલ્લા ઘણા સમયથી બુટલેગરો વચ્ચે અંદરો અંદર ચાલી રહેલી અદાવતને લઈને આજ રોજ સમાધાન માટે બે જૂથ ભેગા થયા હતા. ત્યારે અચાનક જ સમાધાનની જગ્યાએ બંને જૂથોએ એકબીજા પર હીચકારો હુમલો કરતા સમગ્ર વિસ્તારમાં નાસભાગ મચી જવા પામી હતી.  આ ઘટનાની જાણ પોલીસને થતા પોલીસે તાત્કાલીક ઘટના સ્થળે પહોંચી પરિસ્થિતિ કાબુમાં મેળવી હતી. તેમજ સમગ્ર વિસ્તારમાં ચુસ્ત પોલીસ બંદોબસ્ત ગોઠવ્યો હતો.