- શીશમહેલમા ગોટાળા મામલે દિલ્હીમાં ભાજપની પ્રેસ કોંફરન્સ
- કેજરીવાલ વિરુદ્ધ આકરા પ્રહારો
- કેજરીવાલની સામે મોટા મોટા કૌભાંડીઓ પણ ટૂંકા પડે છે
દિલ્હીના શીશમહલ મામલે સીએમ અરવિંદ કેજરીવાલ સામે આક્ષેપોના છાંટા ઉડી રહ્યા છે. જેમા ઓપરેશન શીશમહેલમાં સૌથી મોટો ખુલાસો એ છે કે બંગલાના જ રિનોવેશનમાં 45 કરોડ રૂપિયા ખર્ચવામાં આવ્યા હતા. આ ઉપરાંત એક પછી એક ખુલાસા બાદ AAP બેકફૂટ પર હોય તેમ લાગી રહ્યું છે. હવે આ મામલે દિલ્હીના એલજીએ પણ તપાસના આદેશ જારી કર્યા છે. હવે દિલ્હીમાં ભાજપે કેજરીવાલના શીશમહેલમા ગોટાળા મામલે પ્રેસ કોન્ફરન્સ કરી હતી. આ દરમિયાન તેમણે આકરા પ્રહારો કર્યા હતા. જેમાં બીજેપી સાંસદ મનોજ તિવારીએ કહ્યું હતું કે કેજરીવાલની સામે મોટા મોટા કૌભાંડીઓ પણ ટૂંકા પડે છે. કેજરીવાલમાં અગાઉ અને હવે ઘણો બધો તફાવત છે. વધુમાં મનોત તિવારીએ LG દ્વારા શરૂ કરવામાં આવેલ તપાસનો આવકારી હતી.
મોટા કૌભાંડો કરનારા લોકો પણ કેજરીવાલ સામે ટૂંકા પડે છે
મનોજ તિવારીએ આક્ષેપ કરતા કહ્યું હતું કે જે વ્યક્તિ મુખ્યમંત્રી બનતા પહેલા જે બોલે, કરે અને બતાવે છે. તેનાથી વાસ્તવિક જીવન ખૂબ અયેયાશી દેખાઈ છે. મોટા મોગલિયા સામ્રાજ્યો પણ આ રાજાશાહી વિચારસરણીની વ્યક્તિની સામે વામણા પુરવાર થઇ રહ્યા છે. મોટા કૌભાંડો કરનારા લોકો પણ કેજરીવાલ સામે ટૂંકા પડતા હોય તેવુ લાગી રહ્યું છે.
ખર્ચમાં આડેધડ વધારો કારાયાનો આક્ષેપ
બંગલાના જ રિનોવેશનમાં 45 કરોડ રૂપિયાનો ધુમાડો ઉપરાંત સીએમ આવાસને મોટું બનાવવા 8 ઘાટ ખાલી કરાયા હતા અને સીએમ આવાસ સંકુલને 4.7 એકરથી વધારીને 7.2 એકર કરાયું હતું. તેમજ મકરાનાની જગ્યાએ વિયેતનામના માર્બલનો ઉપયોગ સહિત નિયમો વિરૂદ્ધ જઈને વધારાના ખર્ચના નામે વધારાની ચૂકવણી કરવામાં આવી હતી. નોંધનીય છે કે દિલ્હીના મુખ્યમંત્રી બન્યા અગાઉ કેજરીવાલ અને તેની પાર્ટી વૈભવી સિસ્ટમથી વિરુદ્ધ હતી અને મુખ્યમંત્રી બન્યા બાદ આ તમામ સુવિધા મેળવી લીધી હતી.
