પરિપત્ર / VNSGUના વિદ્યાર્થીઓની પરીક્ષામાં મોટો બદલાવ, જાણો ક્યારે લેવાશે આર્ટસ-સાયન્સની પરીક્ષા

• VNSGUની તમામ કોલેજોની પરીક્ષા રખાઈ હતી મોકૂફ
• સુરત સહિત જિલ્લામાં ભારે વરસાદને લઈ લેવાયો હતો નિર્ણય
• મોકૂફ રાખવામાં આવેલી પરીક્ષાની તારીખો જાહેર

સુરતની વીર નર્મદ દક્ષિણ ગુજરાત યુનિવર્સિટીમાં અભ્યાસ કરતા વિદ્યાર્થીઓ માટે મહત્વના સમાચાર સામે આવ્યા છે. ભારે વરસાદની આગાહીને કારણે 20 અને 21 જુલાઈએ મોકુફ રાખવામાં આવેલી આર્ટસ-સાયન્સ ફેકલ્ટીની પરીક્ષા હવે તારીખ 1 અને 2 ઓગસ્ટના રોજ યોજાશે. આ બાબતે યુનિવર્સિટી દ્વારા એક પરિપત્ર પણ જાહેર કરવામાં આવ્યો છે. 

રેગ્યુલર અને એક્ષટર્નલની પરીક્ષા રખાઈ હતી મોકૂફ
ગુજરાતમાં વરસાદનો ત્રીજો રાઉન્ડ બરાબરનો જામ્યો છે. ત્યારે હવામાન વિભાગ દ્વારા દક્ષિણ ગુજરાતમાં વરસાદની આગાહી કરવામાં આવી હતી. ભારે વરસાદની આગાહીના પગલે વીર નર્મદ યુનિવર્સિટી દ્વારા 20 અને 21 જુલાઇના રોજ યોજાનારી રેગ્યુલર અને એક્ષટર્નલની પરીક્ષા મોકૂફ રાખવા નિર્ણય લેવાયો હતો. સાથે જ યુનિવર્સિટી દ્વારા એવું પણ કહેવામાં આવ્યું હતું કે, આ અંગે પરિપત્ર જારી કરીને આ દિવસોની પરીક્ષાઓની તારીખો હવે પછીથી જાહેર કરવામાં આવશે.

યુનિવર્સિટીએ જાહેર કર્યો પરિપત્ર
ત્યારે હવે વીર નર્મદ દક્ષિણ ગુજરાત યુનિવર્સિટી દ્વારા આ પરીક્ષાનું ટાઈમટેબલ યુનિવર્સિટીની વેબસાઈટ પર મૂકવામાં આવ્યું છે, સાથે જ આ બાબતે યુનિવર્સિટી દ્વારા એક પરિપત્ર પણ જાહેર કરાયો છે. જે મુજબ  આ પરીક્ષા 01-08-2023 અને 02-08-2023ના રોજ યોજાશે. પરીક્ષા કેન્દ્રમાં કોઈ પણ બદલાવ થશે નહીં