અઘરી નોટ / ઘરની ડિપોઝીટ માટે પૈસાની જરુંર પડી તો વ્યક્તિએ સેલ પર મૂકી કિડની, પોસ્ટર વાંચી તમારું મગજ જશે

• ટ્વિટર પર આ પોસ્ટર હવે વાયરલ થઈ રહ્યું છે 
• આ વ્યક્તિએ ક્યૂઆર કોડ દ્વારા પોતાની પ્રોફાઇલ પણ શેર કરી
• પોસ્ટરમાં નીચે સ્પષ્ટતા કરવામાં આવી છે કે આ એક મજાક છે

 કોઈપણ મોટા શહેરોમાં મકાન ભાડા પર રાખવું એ જંગ જેવુ થઈ ગયું છે.  પહેલા તો  મકાન નથી મળતું અને મળી પણ જાય તો પણ મકાન માલિકની માંગ પૂરી કરતા-કરતા જાણે કિડની વેચવી પડે છે. આવ જ એક કેસમાં એક વ્યક્તિએ પોતાની કિડની વેચવા માટે મૂકી દીધી છે. આ દિવસોમાં સોશિયલ મીડિયા પર એક પોસ્ટર ખૂબ જ વાયરલ થઈ રહ્યું છે, જેમાં એક વ્યક્તિ પાસે મકાન માલિકે સિક્યોરિટી ડિપોઝીટની માંગ કરી હતી. પછી શું આ વ્યક્તિએ પૈસાની સગવડતા કરવા માટે પોતાની કિડની સેલ પર મૂકી હતી. 
એક ટ્વિટર યુઝર્સ રામયખએ પોસ્ટર શેર કર્યું, જેમાં લખ્યું છે  "લેફ્ટ કિડની ઓન સેલ". આ સાથે જ આ પોસ્ટર પર નાના અક્ષરોમાં લખવામાં આવ્યું છે, મકાનમાલિક સિક્યોરિટી ડિપોઝિટની માંગ કરી રહ્યા છે, તેમને ફંડ કરવા માટે પૈસાની જરૂર છે.  જો કે પોસ્ટરમાં નીચે સ્પષ્ટતા કરવામાં આવી છે કે આ એક મજાક છે અને તે વ્યક્તિએ ક્યૂઆર કોડ દ્વારા પોતાની પ્રોફાઇલ પણ શેર કરી છે.

Does this qualify for @peakbengaluru? pic.twitter.com/GGuMZXy2iH

— Ramyakh (@ramyakh) February 25, 2023

ભાડા મામલે મોંઘુ છે બેંગ્લુરુ
ટ્વિટર પર આ પોસ્ટર હવે વાયરલ થઈ રહ્યું છે. મોટી સંખ્યામાં લોકો તેને શેર કરી રહ્યા છે. અને પોતાનું દર્દ પણ મહેસૂસ કરી રહ્યા છે. કર્ણાટકનું બેંગ્લુરુ શહેર ભાડે રહેવા માટે ખૂબ જ મોંઘુ થઈ રહ્યું છે, અહીં ભાડે મકાન રાખવા માટે સિક્યોરિટી ડિપોઝીટ આપવી પડે છે અને તે એક મોટી રકમ હોય છે. 
ટ્વિટર યૂઝર્સ શેર કરી રહ્યા છે અનુભવ
કેટલાક લોકોએ બેંગ્લુરુમાં ઘર શોધવાના પોતાના અનુભવો શેર કર્યા છે. અભિતોષ નામના એક યૂઝર્સે લખ્યું, ઘરની તપાસ દરમિયાન મકાન માલિક રિજેક્ટ થવા પર નારાજ થયા હતા. કારણ કે મે કહ્યું હતું કે મને તમને અમીર બનાવવામાં કોઈ રસ નથી. તેના બદલે હોંડા સિટી કાર લેવાનું પસંદ કરીશ અને લાંબા સમય સુધી ઈએમઆઈ ભરતો રહીશ.